মহা প্ৰৱঞ্চক! ৭ ৰাজ্যৰ পৰা ১৪গৰাকী বিয়া পাতি জে'লত সোমাল ৬০ বছৰীয়া ব্যক্তি

ডিজিটেল ডেস্কঃ কিছুমানে টকা-পইচাৰ প্ৰৱঞ্চনা কৰে, কিছুমানে প্ৰেমৰ প্ৰৱঞ্চনা কৰে আৰু কিছুমানে বিয়া পাতি প্ৰৱঞ্চনা কৰে। এগৰাকী, দুগৰাকী নহয় ১৪ গৰাকী মহিলাক বিয়া পাতি প্ৰৱঞ্চনা কৰিছে এজন ৬০ বছৰীয়া লোকে। ৰমেশ নামৰ লোকজনে ৭খন ৰাজ্যৰ পৰা ১৪গৰাকীকৈ মহিলাক বিয়া পাতিছে।পিছে এইবাৰ তেওঁ আৰক্ষীৰ জালত পৰিল। ৰমেশ নামৰ অভিযুক্তগৰাকী ওড়িশাৰ কেন্দ্রপাৰা জিলাৰ বাসিন্দা।সোমবাৰে ভুৱনেশ্বৰ আৰক্ষীয়ে গ্ৰেপ্তাৰ কৰিছে ৰমেশক। আৰক্ষীয়ে জনোৱা মতে তেওঁ প্ৰতিগৰাকী পত্নীৰ পৰা মোটা অংকৰ ধন লৈ অন্তৰ্ধান হয়। ভুৱনেশ্বৰ আৰক্ষীৰ উপ আয়ুক্ত উমাশংকৰ দাসে জনোৱা মতে প্ৰৱঞ্চক ৰমেশে প্ৰথম বিবাহপাশত আবদ্ধ হৈছিল ১৯৮২ চনত; দ্বিতীয়বাৰ বিয়া পাতিছে ২০০২ চনত। দুই বিবাহৰ পৰা ৫ সন্তানৰ পিতৃ ৰমেশ। তাৰ পিছত Matrimonial Websiteত মিছা তথ্যৰে নাম পঞ্জীয়ন কৰি এজনীৰ পিছত আনজনী বিয়া পাতি আছিল। আৰু পঢ়কঃ ভাগ্যৰ পৰিৱৰ্তন! ৬০ বছৰত মডেল হ’ল দিন-হাজিৰা কৰা মজদুৰ নিজকে চিকিৎসক বুলি পৰিচয় দি অধিবক্তা, চিকিৎসক, অৰ্ধসামৰিক বাহিনীত কৰ্মৰত বিষয়া আদিক জালত পেলাইছিল ৰমেশে। তেওঁ দিল্লী, পঞ্জাৱ, অসম, ঝাৰখণ্ড আৰু উৰিষ্যাকে ধৰি সাতখন ৰাজ্যৰ মহিলাক প্ৰতাৰণা কৰিছে। ২০১৮ চনত দিল্লীৰ এগৰাকী শিক্ষয়িত্ৰীৰে অন্তিমখন বিবাহপাশত আৱদ্ধ হৈছিল ব্যক্তিজন। অন্তিম গৰাকী পত্নীৰ সৈতে তেওঁ ভূৱেনশ্বৰত বাস কৰিছিল। এইগৰাকী পত্নীয়ে কেনেবাকৈ ৰমেশৰ পূৰ্বৰ বিয়াবোৰৰ উমান পাবলৈ সক্ষম হৈ আৰক্ষী কাষ চাপে। পত্নীৰ গোচৰৰ ভিত্তিত ৰমেশক ভাড়াঘৰৰ পৰা গ্ৰেপ্তাৰ কৰে ওড়িশা আৰক্ষীয়ে। আৰক্ষীৰ তদন্ত গম পোৱা যায় যে প্ৰতিগৰাকী ভুক্তভোগীৰ পৰা মোটা অংকৰ পইচা লৈ অন্তৰ্ধান হয় ব্যক্তিজন। প্ৰৱঞ্চকজনৰ পৰা আৰক্ষীয়ে ১১খন এটিএম কাৰ্ড আৰু ৪খন আধাৰ কাৰ্ডো জব্দ কৰিছে। উল্লেখ্য যে ইয়াৰ পূৰ্বে তেওঁক নিবনুৱা যুৱকসকলক প্ৰৱঞ্চনা কৰা আৰু হায়দৰাবাদ আৰু এৰ্নাকুলামত ঋণ জালিয়াতিৰ বাবে দুবাৰ গ্ৰেপ্তাৰ কৰা হৈছিল বুলি ওড়িশা আৰক্ষীয়ে সদৰী কৰিছে। আৰু পঢ়কঃ পুনৰ জে’ললৈ লালু প্ৰসাদ যাদৱ! পশুখাদ্য কেলেংকাৰীৰ অন্তিমটো গোচৰত ৰায় চি বি আইৰ আদালতৰ