মহাৰাষ্ট্ৰত উদ্ধৱ চৰকাৰৰ পতন: হঠাৎ শাৰদ পাৱাৰলৈ আয়কৰ বিভাগৰ পত্ৰ কিয়?

ডিজিটেল ডেস্ক: মহাৰাষ্ট্ৰত উদ্ধৱ থাকৰে নেতৃত্বাধীন চৰকাৰৰ পতনৰ এদিন পাছতে শিৱসেনাৰ সহযোগী তথা থাকৰে চৰকাৰৰ অংশীদাৰ শাৰদ পাৱাৰক লৈ ব্যস্ত হৈ পৰিছে আয়কৰ বিভাগ৷ পাৱাৰলৈ প্ৰেৰণ কৰা হৈছে পত্ৰ৷ মহাৰাষ্ট্ৰত উদ্ধৱ থাকৰে চৰকাৰৰ পতনৰ এদিন পাছতে আয়কৰ বিভাগৰ মুম্বাই শাখাই ২০০৪, ২০০৯, ২০১৪ আৰু ২০২০ চনত নিৰ্বাচন আয়োগৰ ওচৰত দাখিল কৰা শাৰদ পাৱাৰৰ নিৰ্বাচনী শপতনামা পৰীক্ষা কৰাৰ পাছত পাৱাৰক জাননী প্ৰেৰণ কৰিছে। 

এনচিপিৰ মুৰব্বীয়ে তেওঁক প্ৰদান কৰা জাননীৰ বিষয়ে নিশ্চিত কৰি মাৰাঠীত এক টুইটযোগে কয় যে, তেওঁ আয়কৰ বিভাগৰ এই পত্ৰক ‘প্ৰেমপত্ৰ’ বুলি অভিহিত কৰিছে। তেওঁ কয়, মই ২০০৪, ২০০৯, ২০১৪ আৰু ২০২০ চনত দাখিল কৰা নিৰ্বাচনী শপতনামা সম্পৰ্কীয় আয়কৰৰ পৰা এখন প্ৰেমপত্ৰ, পাইছোঁ৷

কালি শিৱসেনাৰ একনাথ সিন্দেৰ নেতৃত্বত মহাৰাষ্ট্ৰত এখন নতুন চৰকাৰে দায়িত্ব গ্ৰহণ কৰে৷ ৰাজ্যখনত বিসম্বাদে উদ্ধৱ থাকৰে চৰকাৰৰ পূৰ্বৰ মিত্ৰজোঁটক নমাই আনিছিল, য’ত শৰদ পাৱাৰৰ দল আৰু কংগ্ৰেছ অন্তৰ্ভুক্ত আছিল।

বিজেপি শাসিত কেন্দ্ৰীয় চৰকাৰক তীব্ৰ সমালোচনা কৰি প্ৰবীণ ৰাজনীতিবিদজনে এক ফলো-আপ টুইটযোগে কয় যে সংস্থাটোৱে কিছুমান লোকৰ বিষয়ে তথ্য সংগ্ৰহ কৰি আছে।

এই বিভাগটোৰ দক্ষতা গুণগতভাৱে বৃদ্ধি পাইছে। ইমান বছৰ ধৰি তথ্য সংগ্ৰহ কৰা, আৰু কিছুমান লোকৰ পৰা তথ্য সংগ্ৰহ কৰাত গুৰুত্ব দিয়াটো এক কৌশলগত পৰিৱৰ্তন যেন লাগিছে বুলি তেওঁ উল্লেখ কৰে৷

একনাথ সিন্দেয়ে ৩৯ জন বিধায়কৰ বিসম্বাদৰ নেতৃত্ব দিয়াৰ পাছত থাকৰেক তেওঁৰ দেউতাকে প্ৰতিষ্ঠা কৰা শিৱসেনাক সংখ্যালঘুলৈ পৰিণত কৰা হৈছিল, আৰু অভিযোগ কৰিছিল যে থাকৰেয়ে কংগ্ৰেছ আৰু এনচিপিৰ সৈতে অংশীদাৰীত্ব কৰি দলৰ মূল হিন্দুত্ববাদী আদৰ্শৰ সৈতে আপোচ কৰিছিল।