মহামানৱলৈ শ্ৰদ্ধাঞ্জলি : দেশজুৰি পালন ‘গান্ধী জয়ন্তী’

গুৱাহাটী: স্বাধীন ভাৰতৰ সপোন বাস্তৱত পৰিণত কৰা মহামানৱ মহাত্মা গান্ধীৰ অৱদান সৰ্বজনবিদিত৷ জাতিৰ পিতা মহাত্মা গান্ধীৰ অৱদানৰ প্ৰতি শ্ৰদ্ধাঞ্জলি জনাই আজি ১৫২সংখ্যক জন্মদিনত সুঁৱৰিছে দেশবাসীয়ে৷ মহামানৱ মহাত্মা গান্ধীৰ জন্মজয়ন্তীৰ উপলক্ষে দেশজুৰি পালন কৰা হৈছে ‘গান্ধী জয়ন্তী’৷

দেশৰ ৰাষ্ট্ৰপতি ৰাম নাথ কোবিন্দ, প্ৰধানমন্ত্ৰী নৰেন্দ্ৰ মোদীৰ পৰা আৰম্ভ কৰি প্ৰতিগৰাকী দেশপ্ৰেমীয়ে আজিৰ এই দিনটো বিশেষভাৱে পালন কৰিছে৷ গুৱাহাটীৰ গান্ধী মণ্ডপত মহামানৱলৈ শ্ৰদ্ধাঞ্জলি জনায় মুখ্যমন্ত্ৰী হিমন্ত বিশ্ব শৰ্মায়ো৷ ইয়াৰ উপৰি ৰাষ্ট্ৰসংঘৰ মহাসচিব এণ্টনিঅ’ গুটেৰেছে গান্ধী জয়ন্তী উপলক্ষে বিশ্বৰ পৰা শান্তি স্থাপনৰ আহ্বান জনাইছে।

প্ৰাক্তন মুখ্যমন্ত্ৰী তথা কেন্দ্ৰীয় মন্ত্ৰী সৰ্বানন্দ সোণোৱালে গান্ধী জয়ন্তী উপলক্ষে শিলপুখুৰীত চাফাই অভিযান কাৰ্যসূচীত অংশগ্ৰহণ কৰে৷ লগতে কেন্দ্ৰীয় মন্ত্ৰীগৰাকীয়ে এসপ্তাহৰ ভিতৰত শিলপুখুৰী পৰিষ্কাৰ কৰাৰ লক্ষ্য কৰা বুলিও জানিবলৈ দিয়ে৷