মহিলা প্ৰাৰ্থীলৈ সুখবৰ! অৱৰ্তীৰ্ণ হ’ব পাৰিব এন ডি এৰ পৰীক্ষাত..

নতুন দিল্লীঃ প্ৰতীক্ষাৰ অৱসান! দেশৰ মহিলা প্ৰাৰ্থীলৈ সুখবৰ। আগন্তুক বৰ্ষৰ মে’ মাহত ৰাষ্ট্ৰীয় প্ৰতিৰক্ষা একাডেমী চমুকৈ এনডিএৰ প্রৱেশ পৰীক্ষাত মহিলা প্রার্থীক অৱতীর্ণ হোৱাৰ অনুমতি প্ৰদান। কেন্দ্রীয় চৰকাৰে উচ্চতম ন্যায়ালয়ক বিষয়টো সন্দৰ্ভত অৱগত কৰাৰ পাছতে দেশৰ সর্বোচ্চ আদালতখনে তীব্র ক্ষোভ উজাৰিছে৷ শেহতীয়াকৈ কেন্দ্রীয় চৰকাৰৰ অনুৰোধ অগ্রাহ্য কৰি শীর্ষ আদালতখনে গুৰুত্বপূৰ্ণ ৰায় প্ৰদান কৰিছে। উচ্চতম ন্যায়ালয়ে কয়, ‘এন ডি এ প্রৱেশ পৰীক্ষাত চলিত বৰ্ষতে মহিলা প্রার্থীসকলক অৱতীর্ণ হ’বলৈ অনুমতি দিব লাগিব৷’ উচ্চতম ন্যায়ালয়ৰ স্পষ্ট মত, পূর্বতে জাৰি হোৱা নির্দেশনা বাতিল কৰিব নোৱাৰি৷

গতিকে চলিত বর্ষৰ নৱেম্বৰত হ’বলগীয়া এন ডি এৰ প্রৱেশ পৰীক্ষাত মহিলা প্রার্থীক অৱতীর্ণ হোৱাৰ অনুমতি কেন্দ্রীয় চৰকাৰে দিব লাগিব৷ প্ৰণিধানযোগ্য যে, ইয়াৰ পূৰ্বে বহুবাৰ সামৰিক বাহিনীত মহিলাৰ সমাধিকাৰৰ বিষয়টোক গুৰুত্ব দিবলৈ কেন্দ্রীয় চৰকাৰক নির্দেশ দি আহিছে উচ্চতম ন্যায়ালয়ে৷ উল্লেখ্য যে, চৰকাৰে উচ্চতম ন্যায়ালয়ক ২০২২ চনৰ মে' মাহত অনুষ্ঠিত হ'বলগীয়া সশস্ত্ৰ বাহিনীত প্ৰৱেশৰ বাবে মহিলা কেডেটসকলক ৰাষ্ট্ৰীয় প্ৰতিৰক্ষা একাডেমীত অন্তৰ্ভুক্ত কৰাৰ বাবে প্ৰস্তাৱ কৰিছে। প্ৰতিৰক্ষা মন্ত্ৰালয়ে আদালতক দিয়া এক শপতনামাত কয়, ‘কেন্দ্ৰীয় ৰাজহুৱা সেৱা আয়োগ অৰ্থাত ইউপিএছচি-এ মে, ২০২২ ত অনুষ্ঠিত হ’বলগীয়া এন ডি এ পৰীক্ষাৰ অধিসূচনাত মহিলাসকলক অন্তৰ্ভুক্ত কৰিব।’