ডিজিটেল ডেস্কঃ মহৰমৰ শোভাযাত্ৰাৰ সময়তে ঘটিল এক শোকাৱহ ঘটনা। শোভাযাত্ৰাত ভাগ লোৱা এজন যুৱকৰ নিজৰ হাততে থকা তৰোৱালৰ আঘাত লাগি থিতাতে মৃত্যু ঘটে। শোকালহ ঘটনাটো ঘটিছে পশ্চিমবংগৰ পূব বৰ্ধমানৰ কেতুগ্ৰামত মঙলবাৰে সমগ্ৰ দেশতে উদযাপন কৰা হয় মহৰম। পৰম্পৰা অনুসৰি মহৰমৰ দিনা মুছলমান সম্প্ৰদায়ৰ পুৰুষসকলে দেশৰ বিভিন্ন প্ৰান্তত শোভাযাত্ৰাত অংশগ্ৰহণ কৰে। কেতুগ্ৰামতো তেনে শোভাযাত্ৰাই উলুওৱা হৈছিল।
পৰম্পৰা ৰক্ষা কৰি শোভাযাত্ৰাত ভাগ লোৱা লোকসকলে তৰোৱালেৰে নানান ভংগী প্ৰদৰ্শন কৰিছিল। তেনে সময়তে নিজৰ হাততে থকা তৰোৱালে এজন যুৱকক আঘাত কৰে। উপলত ১৯ বছৰীয়া যুৱক জনৰ মৃত্যু ঘটে। নিহত যুৱক জনৰ নাম চাহিৰুল শ্বেখ। তেওঁৰ ঘৰ কেতুগ্ৰামৰ আনখোনা গাঁৱৰ লেদুৰিয়া পাৰাত ।
তেওঁ কলকাতাৰ এটা কাৰখানাত কাম কৰিছিল। চাহিৰুলে মহৰম উপলক্ষে কেতুগ্ৰামৰ ঘৰলৈ গৈছিল। জানিব পৰা গৈছে যে চাহিৰুলে তৰোৱাল ঘূৰাই থকাৰ সময়তে তৰোৱাল খন তেওঁৰ পেটত সোমাই যায়। চাহিৰুল লগে লগে ৰাস্তাত বাগৰি পৰে । তেজেৰে লুতুৰু-পুতুৰি হোৱা চাহিৰুলক ততাতৈয়াকৈ এখন চিকিৎসালয়লৈ লৈ যোৱা হয় যদিও চিকিৎসকে তেওঁক মৃত বুলি ঘোষণা কৰে।
পূব বৰ্ধমানৰ অতিৰিক্ত আৰক্ষী অধীক্ষক (গ্ৰাম্য) ধ্ৰুবা দাসে কয়, "ঘটনাটো অতি শোকাৱহ। মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে। চিকিৎসকসকলে কৈছে যে তীক্ষ্ণ তৰোৱাল খনে যুৱক জনৰ পেট আৰু হাঁওফাঁওত আঘাত কৰিছিল ।যুৱকজনৰ মৃত্যুত কেতুগ্ৰামত শোকৰ ছাঁ পৰিছে।
Continue Reading
