ডিজিটেল ডেস্কঃ আন্তৰ্জাতিক ক্ৰিকেট পৰিষদে শেহতীয়া টি-২০ বিশ্বকাপৰ শ্ৰেষ্ঠ একাদশ দলটো নিৰ্বাচিত কৰিছে। বিৰাট কোহলীয়ে আই চি চিৰ এই দলত স্থান নাপালে। বিৰাটে স্থান নাপালেও বিশ্ব চেম্পিয়ন ভাৰতীয় দলৰ ৬ গৰাকী ক্ৰিকেটাৰ আই চি চি দলত আছে।
আইচিচিৰ বিশেষজ্ঞসকলে প্ৰদৰ্শনৰ ভিত্তিত টি-২০ বিশ্বকাপৰ শ্ৰেষ্ঠ একাদশক বাছনি কৰিছে। ৰানাৰ্ছ চাউথ আফ্ৰিকাৰ কোনো ক্ৰিকেটাৰে শ্ৰেষ্ঠ এঘাৰ ভিতৰত স্থান নাপালে। আফগানিস্তানৰ তিনিগৰাকী ক্ৰিকেটাৰেও প্ৰথমবাৰৰ বাবে বিশ্বকাপৰ ছেমি ফাইনেলত প্ৰৱেশ কৰে। ইয়াৰ উপৰিও ছুপাৰ এইট পৰ্যায়ত ৰাওনা হোৱা ৱেষ্ট ইণ্ডিজ আৰু অষ্ট্ৰেলিয়াই প্ৰতিযোগিতাখনৰ শ্ৰেষ্ঠ দলত এটাকৈ স্থান লাভ কৰে।
বিশ্ব ক্ৰিকেটৰ বহু ডাঙৰ নাম দলত স্থান নাপালে। বিৰাট কোহলীয়ে ফাইনেলত ৭৬ ৰানৰ ইনিংছ খেলিছিল। এইবাৰ অপৰাজিত হোৱাৰ পৰাই ভাৰত বিশ্বকাপ চেম্পিয়ন হ’ল। ৰোহিত শৰ্মাৰ দলৰ কেইবাগৰাকীও ক্ৰিকেটাৰে বেট বা বলেৰে সুন্দৰ প্ৰদৰ্শন কৰিছে। ৰোহিতৰ নেতৃত্বকো প্ৰশংসা কৰা হৈছে। সেয়ে আই চি চিৰ নিৰ্বাচকসকলে দলৰ নিৰ্বাচনত ভাৰতীয় ক্ৰিকেটাৰসকলৰ প্ৰদৰ্শনক সৰ্বোচ্চ গুৰুত্ব প্ৰদান কৰে।
শ্ৰেষ্ঠ আইচিচি একাদশ : ৰোহিত (অধিনায়ক), গুৰবাজ, পুৰাণ, সূৰ্য্যকুমাৰ, ষ্টয়নিছ, হাৰ্দিক, অক্ষৰ, ৰছিদ, বুমৰাহ, আৰ্ছদীপ, ফাৰুকী।
Continue Reading
