‘‘মই এক মুক্ত পক্ষী, মোক জেড শ্ৰেণীৰ নিৰাপত্তা নালাগে।’’ কেন্দ্ৰীয় চৰকাৰে ওৱেছিলৈ আগবঢ়োৱা প্ৰস্তাৱ ন

ডিজিটেল ডেস্কঃ  অমিত শ্বাহে আছাদুদ্দিন ওৱেছিৰ জেড শ্ৰেণীৰ নিৰাপত্তা ল'বলৈ আহ্বান জনাইছে। কেন্দ্ৰীয় গৃহ মন্ত্ৰীয়ে সোমবাৰে সংসদত অল ইণ্ডিয়া মজলিস-ই-ইত্তেহাদুল মুছলিমিনৰ মুৰব্বী গৰাকীলৈ এই অনুৰোধ কৰিছিল। অৱশ্যে, তেওঁ শ্বাহক এই প্ৰস্তাৱ ঘূৰাই দিছিল। ওৱেছিয়ে ক'য়, "আজি সংসদত কেন্দ্ৰীয় গৃহ মন্ত্ৰী অমিত শ্বাহে মোক জেড শ্ৰেণীৰ নিৰাপত্তা গ্ৰহণ কৰিবলৈ অনুৰোধ জনাইছে। মই মাত্ৰ তেওঁক এটা কথাই ক'ব বিচাৰো। কা' আন্দোলনৰ সময়ত মৃত্যু হোৱা ২২ জন নাগৰিকৰ তুলনাত মোৰ জীৱনৰ মূল্য কেতিয়াও বেছি নহয়। মোক সকলো সময়তে বন্দুকধাৰীয়ে আগুৰি থাকক, মই সেইটো নিবিচাৰোঁ। মই এজন মুক্ত মানুহ। মই মুক্তভাৱে জীয়াই থাকিব বিচাৰো। '' কেন্দ্ৰীয় গৃহমন্ত্ৰীগৰাকীয়ে আজি সংসদত ক'য়, আছাদুদ্দিন ওৱেছিৰ নিৰাপত্তা বিঘ্নিত হোৱাৰ আশংকা আছে। গতিকে চৰকাৰে তেওঁক কেন্দ্ৰীয় জেড শ্ৰেণীৰ সুৰক্ষা প্ৰদান কৰাৰ সিদ্ধান্ত লৈছে। তেওঁক এখন বুলেট প্ৰুফ গাড়ী দিয়াৰ সিদ্ধান্তও লোৱা হৈছিল। অৱশ্যে, তেওঁ চৰকাৰৰ প্ৰস্তাৱ নাকচ কৰে। সংসদত অমিত শ্বাহে  থিয় হৈ, তেওঁক এই প্ৰস্তাৱটো গ্ৰহণ কৰিবলৈ অনুৰোধ জনাইছিল। উল্লেখ্য যে, কিছুদিনৰ আগতে দুজন অচিনাক্ত ব্যক্তিয়ে ওৱেছিৰ গাড়ীত আক্ৰমণ কৰিছিল। তেওঁৰ গাড়ীৰ তলৰ অংশত তিনিটা বুলেটৰ চিহ্নও আছিল। তিনিজন সাক্ষীৰ বিবৃতি অনুসৰি,  ঘটনা সন্দৰ্ভত এখন এজাহাৰো দাখিল কৰা হৈছে। ইতিমধ্যে দুজন লোকক গ্ৰেপ্তাৰ কৰা হৈছে। তেওঁলোকৰ পৰা এখন মাৰুতি আল্টো গাড়ীও জব্দ কৰা হৈছিল। ঘটনা সন্দৰ্ভত ইতিমধ্যে আৰক্ষীয়ে তদন্ত কৰি আছে।