ডিজিটেল ডেস্কঃ মই জীয়াই আছো, এই কথাষাৰেই প্ৰমাণ কৰিব পৰা নাই তেওঁ৷ কাৰণ চৰকাৰী কাগজে-পত্ৰই লোক জনক মৃত ঘোষণা কৰি থৈছে৷ হয়, এজন সন্ন্যাসীয়ে তেওঁ জীয়াই আছে বুলি প্ৰমাণ কৰিবলৈ যুঁজ দি আছে৷ বহুদুন আগতেই তেওঁক কাগজত মৃত ঘোষণা কৰা হৈছে। ভাৰতত ভূমিহীন সকলৰ মাজত এই সমস্যা সচৰাচৰ দেখা যায় বুলি সন্ন্যাসীজনে অভিযোগ কৰিছে৷
তেওঁ কয় যে স্থানীয় ভূমি মাফিয়াই ফিৰোজাবাদ পৌৰ নিগমৰ সৈতে মিত্ৰতা কৰি তেওঁৰ মৃত্যুৰ প্ৰমাণপত্ৰ উলিয়াবলৈ সক্ষম হৈছিল। কৃষ্ণানন্দ সৰস্বতী (৯০) নামৰ এজন সন্ন্যাসীগৰাকীয়ে সেয়ে এতিয়া জীয়াই থকা বুলি প্ৰমাণ কৰিবলৈ আদালতৰ দ্বাৰস্থ হ’বলগীয়া হৈছে ৷ ২০২১ চনৰ নৱেম্বৰত তেওঁৰ মৃত্যুৰ প্ৰমাণপত্ৰ জাৰি কৰা হৈছিল৷ তেতিয়াৰে পৰাই তেওঁ আদালতৰ দুৱাৰে দুৱাৰে ঘূৰি ফুৰিবলগীয়া হৈছে৷
তেওঁৰ দ্বাৰা পৰিচালিত হিউমানয়ুনপুৰ এলেকাত এটা মন্দিৰৰ ভূমি অধিগ্ৰহণ কৰাৰ ভূ মাফিয়াই তেওঁক মৃত সজাইছে বুলি অভিযোগ উঠিছে৷ তেওঁ কয় " যোৱা বছৰ নৱেম্বৰত, ফিৰোজাবাদ পৌৰ নিগমে মোৰ মৃত্যুৰ প্ৰমাণপত্ৰ জাৰি কৰিছিল। মই মাত্ৰ ছয় মাহ আগতে এই বিষয়ে জানিব পাৰিছিলো আৰু তেতিয়াৰ পৰা মই স্থানীয় কৰ্তৃপক্ষক বুজাবলৈ চেষ্টা কৰি আছোঁ যে মই জীয়াই আছোঁ।" ভুৱা নথি পত্ৰে তেওঁ পৰিচালনা কৰি থকা মন্দিৰৰ মাটি খিনি একাংশ লোকে দখল কৰিবলৈ চেষ্টা কৰি আছে বুলিও তেওঁ অভিযোগ কৰে।
ফিৰোজাবাদৰ পৌৰ আয়ুক্ত চঞ্চম মীনাই কয়, "আমি যোৱা বছৰ জাৰি কৰা এখন ভুৱা মৃত্যুৰ প্ৰমাণপত্ৰ সন্দৰ্ভত পোৱা অভিযোগটো পৰীক্ষা কৰি আছো । গোটেই বিষয়টো বিতংভাৱে অনুসন্ধান কৰা হৈছে। দোষী সাব্যস্ত হোৱা সকলৰ বিৰুদ্ধে কঠোৰ ব্যৱস্থা গ্ৰহণ কৰা হ'ব।"
Continue Reading
