'মই সুখী যে ভাৰতো এতিয়া মোৰ ঘৰ হৈ পৰিল'! ভাৰতীয় যুৱকৰ জীৱনসংগী হ'ল ব্ৰিটেইনৰ বিষয়া

ডিজিটেল ডেস্কঃ ছ'চিয়েল মিডিয়াত প্ৰায়ে কিছুমান বিষয় আলোচনাৰ বিষয় হৈ পৰে। সেয়া ভিডিঅ' হওঁক বা ফটোৱেই হওঁক। এইবাৰ এখন বিয়াক লৈ ছ'চিয়েল মিডিয়াত চলিছে চৰ্চা। আপুনি হয়তো ভাবি আছে যে বিয়াখনৰ বিশেষত্ব কি? এই বিয়াখন সম্পন্ন হৈছে এগৰাকী মহিলা ব্ৰিটিছ বিষয়া আৰু এজন ভাৰতীয় যুৱকৰ মাজত। দক্ষিণ এছিয়াৰ উপ বাণিজ্য আয়ুক্ত হিচাপে ৰাজধানী দিল্লীত কাম কৰি থকা ব্ৰিটেইনৰ ৰিয়ানান হেৰিজ নামৰ যুৱতীগৰাকীয়ে এজন ভাৰতীয় যুৱকৰ লগত বিবাহপাশত আৱদ্ধ হয়। ৰিয়ানান হেৰিজে নিজৰ বিয়াৰ খবৰ ছ'চিয়েল মিডিয়াত শ্বেয়াৰ কৰাৰ পাছতে ই ভাইৰেল হৈ পৰে। ফটোত উত্তৰ ভাৰতীয় কইনাৰ সাজত ৰিয়ানানক খুব সুন্দৰ দেখা গৈছে। ৰঙা লেহেংগা আৰু কম গহনা পিন্ধি মুখত মিচিকিয়া হাঁহিটিৰে সৈতে দৰাৰ হাতত ধৰি আছিল ৰিয়ানানে। হিন্দু ধৰ্মৰ ৰীতি-নীতি অনুসৰি বিয়াখন সম্পন্ন হয়। ছ'চিয়েল মিডিয়াৰ নেটিজেনসকলেও তেওঁলোকক বিবাহৰ হিয়াভৰা শুভেচ্ছা জনাইছে। ৰিয়ানান হেৰিজে তেওঁৰ টুইটত লিখিছে-''চাৰি বছৰ আগতে মই বহুতো আশা আৰু সপোন লৈ ভাৰতলৈ আহিছিলোঁ। কিন্তু মই কেতিয়াও ভবা নাছিলো যে ভাৰতত মই জীৱনজোৰা প্ৰেম পাম আৰু বিয়া পাতিম। মই ভাৰতত অতুলনীয় সুখ বিচাৰি পাইছোঁ। মই সুখী যে ভাৰতো এতিয়া মোৰ ঘৰ হৈ পৰিল।'' হেৰিজে তেওঁলোকৰ বিবাহৰ ফটো টুইটাৰত শ্বেয়াৰ কৰি #IncredibleIndia হেশ্বটেগ ব্যৱহাৰ কৰিছে। প্ৰেমে কোনো পৰিসীমা নামানে এই বিবাহে যেন পুনৰবাৰ তাকে প্ৰমাণ কৰিলে। আৰু পঢ়কঃ ১৯ ফেব্ৰুৱাৰী কেনে যাব…চাওঁক ৰাশিফল