ডিজিটেল ডেস্কঃ মৰিগাঁও জিলা মুকলি দবাত চেম্পিয়ন খিতাপ দখল কৰিছে কৌশিক বৰুৱাই । ৬ আগষ্টৰ পৰা মৰিগাঁও জিলা দবা সন্থাই মৰিগাঁও উচ্চ ও বহুমুখী বিদ্যালয়ত আয়োজন কৰা দবা প্ৰতিযোগিতাৰ ৮ ৰাউণ্ডৰ আটাই কেইখন খেলত জয়ী হৈ কৌশিক বৰুৱা চেম্পিয়ন হয় । প্ৰতিগোগিতাৰ ৬ ষষ্ঠ ৰাউণ্ডলৈ অদম্য হৈ ৰোৱা প্ৰাক্তন চেম্পিয়ন বিশ্বাসক পৰাজিত কৰি উদয়ীমান দবাৰু জনে খিতাপৰ পথ প্ৰশস্ত কৰে ।
শেষ খনত খেলত সঞ্জীৱ কুমাৰ নাথ পৰাস্ত কৰি প্ৰতিযোগিতাৰ বিজয়ী মুকুট পিন্ধে । ৰাজ্যিক পৰ্যায়ৰ বাচনিৰ বাবে অনুষ্ঠিত হোৱা মৰিগাঁও জিলা মুকলি প্ৰতিযোগিতা খনৰ প্ৰথম , দ্বিতীয় আৰু তৃতীয় ৰাৰ্ণাচ আপ খিতাপ দখল কৰে ক্ৰমে কমল ডেকা (৭ পইণ্ট) , মিঠু নাথ (৭ পইণ্ট) আৰু অনিল কুমাৰ ভট্টাচাৰ্যই (৬.৫) ।
আনহাতে প্ৰতিযোগিতাৰ ১৭ বছৰ অনুৰ্ধ শাখাত পীয়ুষ প্ৰতীম মছৰংঙ প্ৰথম , হিমাংক শৰ্মা দ্বিতীয় , ১৩ বছৰ অনুৰ্ধ শাখাত কিশোৰ নাথ প্ৰথম , ৰিহান ইছলাম দ্বিতীয় আৰু ১১ বছৰ অনুৰ্ধ শাখাত দেবাশিষ বৰুৱা প্ৰথম , ৰক্তোপল দাস দ্বিতীয় । ইয়াৰোপৰি শ্ৰেষ্ঠ দবাৰু ল'ৰা উত্তম কুমাৰ বিশ্বাস আৰু শ্ৰেষ্ঠ ছোৱালী দবাৰুৰ সন্মান লাভ কৰে প্ৰাপ্তিবৰ্ণা ঠাকুৰীয়াই । প্ৰযোগিতাৰ কনিষ্ঠ শ্ৰেষ্ঠ দবাৰুৰ সন্মান লাভ কৰে ৭ বছৰীয়া ইমতিয়াজ আলম আহমেদে ।
সফলতাৰে সম্পন্ন হোৱা মৰিগাঁও জিলা মুকলি দবা প্ৰতিযোগিতাৰ বঁটা বিতৰণী সভাত হিচাপে অংশ গ্ৰহণ কৰি বঁটা বিতৰণ কৰে মৰিগাঁও মহাবিদ্যালয়ৰ অধ্যক্ষ ড০ লীলা বৰঠাকুৰে , সাংবাদিক জিতুমণি নাথ , আৰবিৰ্টাৰ ৰবীকান্ত তিৱাৰীয়ে । পুৱাৰ ভাগত দ্বিতীয় দিনাৰ প্ৰতিযোগিতা মুকলি কৰে তিৱা স্বায়ত্ব পৰিষদৰ মূখ্যকাৰ্যবাহী সদস্য জীৱন চন্দ্ৰ কোঁৱৰে ।
উল্লেখ্য যে জিলা দবা সন্থাৰ সভাপতি বিৰিঞ্চি কুমাৰ শৰ্মাৰ উপস্হিতিত প্ৰতিযোগিতা খন আনুষ্ঠানিকভাবে উদ্বোধন কৰে মৰিগাঁও উচ্চ ও বহুমুখী বিদ্যালয়ৰ অধ্যক্ষ দিব্যজ্যোতি তামুলীয়ে ।
Continue Reading
