মিঞা বুলি কাক ক'ব ? বিধায়ক শ্বেৰমান আলীৰ প্ৰতিক্ৰিয়া

বিধায়কগৰাকীয়ে বাংলাদেশী, অনুপ্ৰবেশকাৰী, পমুৱা বুলি কোৱাতকৈ মিঞা বুলি ক'লে মই গৌৰৱ বোধ কৰিম বুলি বক্তব্য দাঙিধৰে। জাকিৰ হুছেইন শিকদাৰ আৰু ৱাজেদ আলী চৌধুৰীযে সিদ্ধান্ত লওক যে এই জনগোষ্ঠীটোক অনুপ্ৰৱেশকাৰী, চৰোৱা, পমুৱা সন্দেহ যুক্ত অনুপ্ৰৱেশকাৰী আদি বুলি মাতিব নেকি? বুলি প্ৰশ্ন উত্থাপন কৰে বিধায়কগৰাকীয়ে৷ লগতে তেওঁ কয় যে এই লোক সকল আহিছিল পূৰ্ববঙ্গৰ পৰা, এই সকল অনুপ্ৰৱেশকাৰী যদি অসম খন স্বাধীন হলে মাৰোৱাৰী বিহাৰী বোৰ অনুপ্ৰৱেশকাৰী হৈ যাব নেকি ? মিঞা শব্দৰ অৰ্থটো ভাল, মই ভাবো এই জনগোষ্ঠীটো এই স্থানৰ পৰাই আগবাঢ়ি যায়, মোক যদি অনুপ্ৰৱেশকাৰী বুলি কোৱাৰ পৰিৱৰ্তে মিঞা বুলি কয় মই ভাল পাম! অসমীয়া জাতি আৰু জনগোষ্ঠী দুটা বেলেগ বস্তু, বহু জনগোষ্ঠীৰে অসমীয়া জাতি নিৰ্মাণ হৈছে৷ মই অনুপ্ৰৱেশ কাৰী, বাংলাদেশী, বংগ মূলীয় অনুপ্ৰৱেশকাৰী শব্দ বোৰ কলে মই অপমান বোধ কৰোঁ বুলি সদৰি কৰে বিধায়কগৰাকীয়ে৷

স্মাৰ্ট মিটাৰ আৰু অন্য ৰাইজে জ্বলা কলা খোৱা বিষয় বোৰৰ পৰা ৰাইজৰ মনোযোগ আঁতৰাই ৰখাৰ বাবে এই সম্প্ৰদায়িক মন্তব্য কৰি আছে বুলিও সদৰি কৰে বিধায়কগৰাকীয়ে৷ প্ৰশ্ন হয় এই পৰিস্থিতয়ে আলোচনাৰ প্ৰকৃত বিষয়বোৰ তলপেলই গৈছে নেকি? কিহক লৈ ব্যস্ত হৈ পৰিছে জনতা?