'মিনি কেজৰিৱালে' এইবাৰ ধাৰণ কৰিলে ভগৱন্ত মানৰ ৰূপ! পুনৰ ভাইৰেল

ডিজিটেল ডেস্কঃ ২০২০ চনৰ দিল্লীৰ বিধানসভা নিৰ্বাচনৰ ফলাফলৰ দিনা ছ’চিয়েল মিডিয়াত ভাইৰেল হৈ পৰিছিল এটি কণমানি। টুইটাৰতো কণমানি শিশুটিৰ ফটো ট্ৰেণ্ডিঙত আছিল। মূৰত আপৰ টুপী,চকুত চশমা, ডিঙিত ক’লা মাফলাৰ,আঁকি লোৱা মোচ আৰু ৰঙা ৰঙৰ ছুৱেটাৰ পৰিহিত কণমানিটিয়ে ধাৰণ কৰিছিল অৰবিন্দ কেজৰিৱালৰ ৰূপ। এই ৰূপত কণমানিটি জনপ্ৰিয় হৈ পৰিছিল ‘দ্য বেবি মাফলাৰ মেন’ নামেৰে। দিল্লীৰ ৰাজপথত ঘূৰি চৰ্চিত হোৱা শিশুটিক কোনো কোনোৱে নাম দিলে ‘বেবি কেজৰিৱাল’ আৰু ‘ছ’টা কেজৰিৱাল’ আৰু কিছুমানে নাম দিলে মিনি কেজৰিৱাল। এই কণমানি কেজৰিৱালৰ নাম হৈছে অবয়ান তমাৰ। দিল্লীৰ ময়ুৰ বিহাৰত বাস কৰা আপ কৰ্মী ৰাহুল তমাৰৰ পুত্ৰ অবয়ান তমাৰৰ সেইসময়ত বয়স আছিল মাত্ৰ ১ বছৰ। সেই কণমানি অবয়ান তমাৰ এইবাৰ পঞ্জাৱৰ নিৰ্বাচনৰ পাছত পুনৰ চৰ্চিত হৈ পৰিছে। পঞ্জাৱৰ নৱ নিযুক্ত মুখ্যমন্ত্ৰী ভগৱন্ত মানৰ দৰে পাগুৰি মাৰি অবয়ান উপস্থিত হয় আপৰ কাৰ্যালয়ত। অবয়ানৰ এই নতুন ৰূপেও সকলোৰে দৃষ্টি আকৰ্ষণ কৰে। উল্লেখযোগ্য যে ২০১৫ চনতো বিধানসভা নিৰ্বাচনত আপে জয় লাভ কৰাৰ পাছত অবয়ানৰ পিতৃয়ে জ্যেষ্ঠ কন্যাকো কেজৰিৱাল সজাই দিল্লীৰ কাৰ্যালয়লৈ আনিছিল। এইবাৰো ভগৱন্ত মানৰ ৰূপত ছ’চিয়েল মিডিয়াত ভাইৰেল হৈছে কণমানি অবয়ান। আৰু পঢ়কঃ হোলীৰ দিনটো কেনে যাব আপোনাৰ…ৰাশিফল চাওঁ আহক