ডিজিটেল ডেস্কঃ অসমীয়া সংগীত জগতত সংযোজন হ'ল এটি নতুন অসমীয়া সুমধুৰ গীত। ‘মধুৰাগ’ শীৰ্ষক গীতটিৰ ভিডিঅ' দেওবাৰে মুকলি কৰা হয়।
কুঁহিপাত ক্রিয়েচনৰ বেনাৰত নিৰ্মিত আৰু প্ৰবীণ বৰাই কণ্ঠদান কৰা মিউজিক ভিডিঅ' 'মধুৰাগ' ৰাজগড়ৰ অভিনয়াত মুকলি কৰা হয়।
ভিডিঅ'টো মুকলি কৰে গায়ক প্রবীণ বৰা, পৰিচালক ৰাজাচৰণ সিং, সহকাৰী পৰিচালক আলোকিতা শইকীয়া, অভিনেত্রী বৈভৱী গোস্বামী, অভিনেতা সৌৰভজ্যোতি কলিতা আৰু শংখ প্রতীমে।
ভিডিঅ'টো পৰিচালনা কৰিছে চলচ্চিত্ৰ পৰিচালক ৰাজাচৰণ সিঙে।
অভিনয় কৰিছে বৈভৱী গোস্বামী আৰু সৌৰভজ্যোতি কলিতাই।
অনুষ্ঠানত অতিথি হিচাপে উপস্থিত থাকে গায়ক প্রবীণ বৰা, চলচ্চিত্ৰ পৰিচালক আৰু সম্পাদক দেৱাংকৰ বৰগোহাঁই আৰু কথক নৃত্যশিল্পী বি পাল্কী।
গীতটি শ্ৰোতা-দৰ্শকে আদৰি ল’ব বুলি আশাবাদী ‘মধুৰাগ’ টীম।
Continue Reading
