ডিজিটেল ডেস্কঃ এক মৰ্মান্তিক ঘটনা সংঘটিত হৈছে উত্তৰ প্ৰদেশত। ঘৰৰ ভিতৰত চাৰিগৰাকী ভাই-ভনীৰ মৃতদেহ উদ্ধাৰ হোৱাৰ ঘটনাই তীব্ৰ প্ৰতিক্ৰিয়াৰ সৃষ্টি কৰিছে।ধাৰণা কৰা হৈছে যে চাৰিগৰাকী ভাই-ভনীয়ে ইজনে সিজনক বচাবলৈ চেষ্টা কৰোঁতে বিদ্যুৎস্পৃষ্ট হৈ মৃত্যুক সাৱটি লৈছিল।
এই শোকাৱহ ঘটনাটো উত্তৰ প্ৰদেশৰ উন্নাওত সংঘটিত হৈছে।স্থানীয় লোক আৰু আৰক্ষী সূত্ৰৰ মতে, বীৰেন্দ্ৰ কুমাৰ আৰু শিৱদেৱী উন্নাও জিলাৰ লালমানখেদা গাঁৱৰ বাসিন্দা। তেওঁলোকৰ চাৰিটা সন্তান আছে, তেওঁলোকৰ নাম ক্ৰমে - মায়ংক (৯), হিংমাশী (৮), হিমাংক (৬) আৰু মানসী (৪)। মাক-দেউতাক কিছুসময়ৰ বাবে ঘৰত নাছিল।
যেতিয়া তেওঁলোক ঘৰলৈ ঘূৰি আহিছিল, তেওঁলোকে তেওঁলোকৰ চাৰিটা সন্তানক মাটিত মৃত অৱস্থাত পৰি থকা দেখিবলৈ পাইছিল। তেওঁলোকে লগে লগে চুবুৰীয়াক খবৰ দিয়ে। আৰক্ষীয়ে ঘটনাস্থলীত উপস্থিত হৈ মৃতদেহকেইটা উদ্ধাৰ কৰে। বাৰাসাগৰৰ এছএইচঅ' দিলীপ কুমাৰে কয়, "ধাৰণা কৰা হয় হৈছে যে টেবুলত ৰখা এখন ফেনৰ পৰাই চাৰিগৰাকী ভাই-ভনী বিদ্যুৎস্পৃষ্ট হৈছিল।"
ভাই-ভনীসকলে ইজনে সিজনক বচাবলৈ চেষ্টা কৰাৰ সময়তে তেওঁলোক আটাইৰে মৃত্যু ঘটা বুসলি সন্দেহ কৰা হৈছে। আৰক্ষীয়ে অপ্ৰাকৃতিক মৃত্যুৰ এটা গোচৰ ৰুজু কৰিছে আৰু তদন্ত আৰম্ভ কৰিছে।
Continue Reading
