মৰ্মান্তিক! ফ্ৰী ফল ৰাইডৰ পৰা পৰি কিশোৰৰ মৃত্যু

ডিজিটেল ডেস্কঃ আমেৰিকাৰ অৰলেণ্ডোত এক মৰ্মান্তিক ঘটনা সংঘটিত হৈছে। এজন ১৪ বছৰীয়া কিশোৰে এখন বিনোদন উদ্যানত প্ৰাণ হেৰুওৱা ঘটনা পোহৰলৈ আহিছে। অৰলেণ্ডো ফ্ৰী ফল ৰাইড, এই খেল আমেৰিকান আৰু বিদেশৰ পৰা অহা পৰ্যটকসকলৰ মাজত অতি জনপ্ৰিয়। যাৰ উচ্চতা বহুগুণে বেছি! উদ্যান কৰ্তৃপক্ষই জনোৱা অনুসৰি, মৃত কিশোৰজন টায়াৰ চেম্পচন বুলি চিনাক্ত কৰা হৈছে। তেওঁ মিছৌৰীৰ বাসিন্দা। বৃহস্পতিবাৰে, চেম্পচন লগতে পৰিয়ালৰ সদস্য আৰু বন্ধুবৰ্গৰ সৈতে ফ্লৰিডালৈ আহিছিল। তেতিয়াই টাইৰে অৰলেণ্ডো ফ্ৰী ফল ৰাইডত উঠিছিল। পাছত মুহুৰ্ততে তেওঁৰ মৃত্যু হয়। আৰক্ষীয়ে ইতিমধ্যে ঘটনাটোৰ তদন্ত আৰম্ভ কৰিছে। অনুসন্ধানত পোহৰলৈ আহিব প্ৰকৃততে সেইয়া দুৰ্ঘটনা আছিল নে ইয়াৰ আঁৰত আন কোনো ৰহস্য। এই খেলবিধ যোৱা বছৰ ফ্লৰিডাৰ অৰলেণ্ডোৰ আইকন পাৰ্কত আৰম্ভ কৰা হৈছিল। এই খেলবিধ সোনকালেই জনসাধাৰণৰ মাজতো জনপ্ৰিয় হৈ পৰিছিল। এজন প্ৰত্যেক্ষদৰ্শীয়ে তেওঁৰ এক বিবৃতিত আৰক্ষীক কৈছিল যে যাত্ৰা আৰম্ভ হোৱাৰ আগতে সকলোৱে সুৰক্ষা বেল্টেৰে তেওঁলোকক আসনত ভালদৰে বান্ধি থোৱা হৈছিল। অৱশ্যে টাইৰৰ বেল্টত হয়তো কিছু বিসংগতি থাকিব পাৰে। ঘটনাৰ পাছতে টাইৰক ততাতৈয়াকৈ এখন স্থানীয় চিকিৎসালয়লৈ লৈ যোৱা হৈছিল যদিও চিকিৎসালয়তে তেওঁৰ মৃত্যু হয়। প্ৰত্যেক্ষদৰ্শীজনে কৈছিল যে ঘটনাটোৰ সময়ত তেওঁ এটা প্ৰচণ্ড শব্দ শুনিছিল। ঘটনাস্থলীত উপস্থিত থকা আন এগৰাকী মহিলাই কৈছিল যে টাইৰক কেৱল ওপৰৰ পৰা তললৈ বাগৰি থকাহে দেখা পাইছিলো। ইফালে, ঘটনাটোৰ পাছত টাইৰৰ দেউতাকে ছ'চিয়েল মিডিয়াৰ সহায় লৈছে। প্ৰশ্নউত্থাপন কৰিছে যে, তেওঁৰ পুত্ৰৰ সৈতে এনে কিয় হৈছিল? ইয়াৰ বাবে কোন দায়ী? ভৱিষ্যতে যাতে কোনো কাৰণতে এনে ঘটনা নহয়।