তালিবানৰ অদ্ভুত 'ফৰমান’, আকৌ এবাৰ খৰ্ব কৰা হৈছে মহিলাৰ অধিকাৰ

তালিবানে আফগানিস্তান দখলৰ পাছৰে পৰা নাৰীৰ ওপৰত এটাৰ পাছত আনটো ফৰমান জাৰি কৰি পৰিস্থিতি অধিক অৱনতি কৰি তুলিছে। ইফালে তালিবানে দিয়া নতুন নতুন ফৰমানে যেন বিপৰ্যস্ত কৰি তুলিছে মহিলাসকলৰ জীৱন।

ডিজিটেল ডেস্ক: আফগানিস্তান দখল কৰাৰ পিছৰে পৰা তালিবানে মহিলাৰ বাবে ইতিমধ্যে কেইবাটাও ফৰমান জাৰি কৰিছে। শেহতীয়াকৈ তালিবানে মহিলাসকলৰ এটা ওপৰত আনটো নতুন ফৰমান জাৰি কৰিয়েই আছে। তালিবানে মহিলাসকলে বিমানেৰে ভ্ৰমণ কৰাৰ ক্ষেত্ৰত ফৰমান জাৰি কৰি নাৰীৰ স্বাধীনতা আকৌ এবাৰ খৰ্ব কৰিছে। আফগানিস্তানৰ ‘এয়াৰলাইন’ কোম্পানীক মহিলাসকলক বিমানত উঠিবলৈ অনুমতি দিবলৈ নিৰ্দেশ দিয়া হৈছে যদিহে তেওঁলোকৰ লগত এজন পুৰুষ আত্মীয় থাকে। আফগানিস্তানত পুৰুষৰ অবিহনে মহিলাসকলে বিমানেৰে যাত্ৰা কৰাৰ ক্ষেত্ৰত নিষেধাজ্ঞা আৰোপ কৰিছে। আফগানিস্তানৰ আৰিয়ানা আফগান এয়াৰলাইন আৰু কাম এয়াৰৰ দুজন বিষয়াই দেওবাৰে জনোৱা অনুসৰি তালিবানে তেওঁলোকক পুৰুষ আত্মীয় অবিহনে মহিলাসকলক ভ্ৰমণ কৰিবলৈ অনুমতি নিদিয়াৰ নিৰ্দেশ দিছিল, বিষয়াসকলে নাম প্ৰকাশ নকৰাৰ চৰ্তত এএফপিক কৈছিল যে বৃহস্পতিবাৰে তালিবান প্ৰতিনিধিয়ে দুটা বিমান সেৱা কোম্পানী আৰু বিমানবন্দৰৰ বিষয়াৰ মাজত হোৱা বৈঠকৰ পিছত এই সিদ্ধান্ত গ্ৰহণ কৰে। তালিবান ক্ষমতালৈ অহাৰ পিছৰে পৰা মহিলাৰ স্বাধীনতাৰ ওপৰত কেইবাটাও নিষেধাজ্ঞা আৰোপ কৰি আহিছে। ইফালে মহিলাসকলক অকলে বিমান যাত্ৰা নিষিদ্ধ কৰাৰ কোনো নিৰ্দেশনা জাৰি কৰা হোৱা নাই বুলি প্ৰকাশ কৰিছে আফগানিস্তানৰ মন্ত্ৰালয়ে। তালিবানৰ সৈতে হোৱা বৈঠকৰ পিছত আৰিয়ানা আফগানৰ এজন জ্যেষ্ঠ বিষয়াই এই আদেশৰ বিষয়ে এয়াৰলাইনৰ কৰ্মচাৰীসকললৈ এখন পত্ৰ জাৰি কৰে। পত্ৰখনত ‘কোনো মহিলাক পুৰুষ আত্মীয় অবিহনে কোনো ঘৰুৱা বা আন্তঃৰাষ্ট্ৰীয় বিমানত ভ্ৰমণ কৰিবলৈ অনুমতি দিয়া নহয়,’ এএফপিয়ে তালিবানৰ পত্ৰৰ উদ্ধৃতি দি তালিবানৰ আদেশ নিশ্চিত কৰে। আনহাতে, এএফপিৰ মতে দুজন ট্ৰেভেল এজেণ্টেও নিশ্চিত কৰিছে যে তেওঁলোকে অকলশৰীয়া মহিলা যাত্ৰীসকলক টিকট প্ৰদান কৰা বন্ধ কৰিছে। উল্লেখ্য যে, ‘পুৰুষ আত্মীয় অবিহনে ভ্ৰমণ কৰি থকা একাংশ মহিলাক শুকুৰবাৰে কাবুলৰ পৰা ইছলামাবাদলৈ ৱৰ্ক এয়াৰৰ বিমানত উঠিবলৈ অনুমতি দিয়া হোৱা নাছিল’। বিমানখনৰ এগৰাকী যাত্ৰীয়ে এএফপিক জনায় যে আমেৰিকা যুক্তৰাষ্ট্ৰৰ পাছপোৰ্ট থকা এগৰাকী আফগান মহিলাকো শুকুৰবাৰে ডুবাইঅভিমুখী বিমানত উঠিবলৈ অনুমতি দিয়া হোৱা নাই। তালিবানত মহিলাসকলক বেছিভাগ চৰকাৰী চাকৰি আৰু মাধ্যমিক বিদ্যালয়ৰ শিক্ষাৰ পৰাও বঞ্চিত কৰা হৈছে। একে সময়তে কোৰানৰ কঠোৰ নিয়ম অনুসৰিহে পোছাক পৰিধানৰ নিৰ্দেশ দিয়া হৈছে।