ডিজিটেল ডেস্কঃ মোক লাগেনে মাটন লাগে? এই প্ৰশ্ন বিয়পি পৰিছে এতিয়া ছ'চিয়েল মিডিয়াত। এটা কথা সঁচা যে এখন সংসাৰত স্বামী-স্ত্ৰীয়ে বহু সমস্যাৰ মাজেৰে আগবাঢ়িব লগা হয়। আলোচনাৰ মাজেৰ দুয়ো দুয়োৰে সমস্যাবোৰ দূৰ কৰাই হৈছে এখন সংসাৰৰ নিয়ম। এইখিনিতে এজন স্বামীয়ে পত্নীক দিয়া এক অদ্ভূত প্ৰস্তাৱৰ বাতৰি পোহৰলৈ আহিছে। স্বামীয়ে পত্নীক সুধিছে যে 'মোক লাগে নে ছাগলী মাংস লাগে'? এক দম্পতীৰ মাজত মাংস খোৱা নোখোৱাকলৈ এনে পৰ্যায় পালেগৈ যে স্বামীয়ে পত্নীক যিকোনো এটা বাচি ল'বলৈ প্ৰস্তাৱ দিলে।
ছ'চিয়েল মিডিয়াত ভেজেটেৰিয়ান স্বামী আৰু নন-ভেজেটেৰিয়ান পত্নীৰ এই কাজিয়া খুব চৰ্চিত হৈ পৰিছে। শেহতীয়াকৈ ছ'চিয়েল মিডিয়াত এক পেপাৰ কাটিঙৰ ফটো ভাইৰেল হৈ আছে। পৰাণজয় গুহ ঠাকুৰতা নামৰ এটা টুইটাৰ হেণ্ডেলৰ পৰা ফটোখন ভাইৰেল হৈছে।
পেপাৰ কাটিংটোত লিখা আছে যে- ''মই এজন শুদ্ধ নিৰামিষহাৰী লোক। মোৰ পত্নীও জন্মসূত্ৰে নিৰামিষহাৰী হয় কিন্তু মোৰ পত্নীয়ে ছাগলী মাংস খাই খুব ভাল পায়। তেওঁ বিবাহপাশত আৱদ্ধ হোৱাৰ আগতেই পত্নীৰ ছাগলী মাংসৰ প্ৰতি দুৰ্বলতা আছিল বুলি গম পাইছিল কিন্তু পত্নীয়ে কৈছিল যে বিয়াৰ পাছত তেওঁ মাটন সম্পূৰ্ণৰূপে ত্যাগ কৰিব। পত্নীৰ প্ৰতিশ্ৰুতি সঁচা বুলি মানি লোকজনে তেওঁক বিয়া কৰায়। বিয়াৰ কিছুদিনৰ পাছতে ধৰা পৰিল যে পত্নীয়ে এতিয়াও মনে মনে মাটন খায়। স্বামীয়ে পত্নীক প্ৰতিশ্ৰুতিৰ কথা মনত পেলাই দিয়াৰ পাছতো কোনো কামত নাহিল। মোৰ পত্নী বহুত ধুনীয়া সেয়ে মই সেই চৰ্তটো ৰাখি তেওঁক বিয়া পাতিছিলোঁ। তেঁৱো কৈছিল যে মোক পোৱাৰ পাছত ছাগলী মাংস বাদ দিব..কিন্তু নিদিলে। মোৰ পত্নীয়ে এতিয়া কৈছে যে ছাগলী মাংসৰ অবিহনে তেওঁ জীয়াই থাকিব নোৱাৰে। সেয়েহে মই মোৰ পত্নীক সুধিছো যে মোক লাগে নে ছাগলী মাংস লাগে? অৱশ্যে পত্নীয়ে যদি কেনেবাকৈ ছাগলী মাংস বাচনি কৰে তেন্তে মোৰ কি হ'ব বুলিও শংকা প্ৰকাশ কৰিছে স্বামীয়ে।
এই টুইটটোত এতিয়া ভিন্ন কমেণ্টেৰে ভৰি পৰিছে। কোনোৱে কৈছে মানুহ নোহোৱাকৈ জীয়াই থাকিব পাৰি কিন্তু খাদ্য নোহোৱাকৈ নোৱাৰি। আকৌ আন কোনোৱে আলোচনাৰ মাজেৰে এই সমস্যা সমাধান কৰিবলৈ পতি-পত্নীক পৰামৰ্শ আগবঢ়াইছে।
আৰু পঢ়কঃ জুবিন গাৰ্গলৈ ছ্যুকাফা বঁটা অসম জাতীয়তাবাদী যুৱ ছাত্ৰ পৰিষদৰ
Continue Reading
