অভিনেত্ৰী স্বৰা ভাস্কৰক ৰাজনীতিত প্ৰৱেশৰ প্ৰস্তাৱ মমতা দিদিৰ

ডিজিটেল ডেস্কঃ অভিনেত্ৰী স্বৰা ভাস্কৰলৈ এক গুৰুত্বপূৰ্ণ প্ৰস্তাৱ আগবঢ়াইছে পশ্চিমবংগৰ মুখ্যমন্ত্ৰী মমতা বেনাৰ্জীয়ে। বিজেপি চৰকাৰৰ বিৰুদ্ধে প্ৰায়ে সৰৱ থকা দেখা যায় স্বৰা ভাস্কৰক। বিজেপিক সমালোচনা কৰি সৰৱ হৈ থকা স্বৰাক ৰাজনীতিত প্ৰৱেশৰ বাবে প্ৰস্তাৱ আগবঢ়ালে পশ্চিমবংগৰ মুখ্যমন্ত্ৰী তথা তৃণমূল কংগ্ৰেছৰ নেত্ৰী মমতা বেনাৰ্জীয়ে। মুম্বাইত বিশিষ্ট ব্যক্তিৰ সৈতে মত বিনিময়ৰ এক অনুষ্ঠানত অংশ লৈছিল অভিনেত্ৰীগৰাকীয়ে। এই অনুষ্ঠানত উপস্থিত আছিল মমতা বেনাৰ্জীও।

স্বাৰা আৰু মমতাৰ লগতে অনুষ্ঠানটোত উপস্থিত আছিল জাভেদ আখতাৰ,মহেশ ভাট, ৰিচা চাড্ডা আদি। সভাৰ আৰম্ভণিতে নিজক প্ৰথমে অভিনেত্ৰী বুলি পৰিচয় দি ভাষণ আগবঢ়ায় স্বৰাই। ভাষণ দি থকাৰ মাজতে কথা প্ৰসংগত স্বৰাই বাংলাত কয় 'খেলা হয়েছে'। স্বৰা ভাস্কৰে নিজ ভাষণত জৱহাৰলাল নেহৰু বিশ্ববিদ্যালয়ৰ পৰা আৰম্ভ কৰি কৃষক আন্দোলনলৈকে সকলো বিষয় সামৰি এক তত্বগধুৰ ভাষণ আগবঢ়ায়।

আৰু পঢ়কঃ অচল শ্ৰীমন্ত শংকৰদেৱ কলাক্ষেত্ৰ! ভিন্ন দাবীৰে কৰ্মচাৰীৰ অসহযোগ আন্দোলন

এই অনুষ্ঠানতো অভিনেত্ৰী স্বৰা বিজেপি চৰকাৰক সমালোচনা কৰি সৰৱ হৈ পৰে। স্বৰাৰ ভাষণ শেষ হোৱাৰ লগে লগে মমতা বেনাৰ্জীয়ে কয়-''আপুনি কেতিয়া ৰাজনীতিত প্ৰত্যক্ষভাৱে যোগদান কৰিব? আপোনাৰ দৰে মানুহ ৰাজনীতিৰ ক্ষেত্ৰখনত অহাটো বৰ প্ৰয়োজন। আপোনাৰ দৰে দৃঢ়মনা মহিলাই ৰাজনীতিত প্ৰৱেশ কৰা উচিত। আশা কৰিছো অতি সোনকালে আপোনাক ৰাজনীতিৰ পথাৰত দেখা পাম।'' মমতা বেনাৰ্জীৰ এই প্ৰস্তাৱত স্বৰা ভাস্কৰে কি পদক্ষেপ ল'ব সেয়াহে হ'ব লক্ষ্যণীয়।

আৰু পঢ়কঃ মোক লাগেনে মাটন লাগে? যিকোনো এটা বাচি ল’বলৈ পত্নীক নিৰ্দেশ ভেজেটেৰিয়ান স্বামীৰ