ডিজিটেল ডেস্ক: অৰ্ধনগ্ন চেলিব্ৰিটীৰ অনুষ্ঠানে জোকাৰিছে মস্কো৷ মস্কোৰ নাইট ক্লাবত শেহতীয়াকৈ অনুষ্ঠিত এটা নৈশ পাৰ্টীত অৰ্ধনগ্ন পোছাক পৰিধান কৰা চেলিব্ৰিটীয়ে ৰাছিয়াত সৃষ্টি কৰিছে তীব্ৰ প্ৰতিক্ৰিয়া৷
ইউক্ৰেইনৰ সৈতে যুদ্ধমগ্ন ৰাছিয়াৰ এই পাৰ্টীৰ প্ৰতিক্ৰিয়াই চুইছে পুটিনবাহিনীকো৷ এই অনুষ্ঠানৰ ফলত এজন ৰেপাৰে ইতিমধ্যে ১৫ দিনৰ বাবে কাৰাবাস খাটিবলগীয়া হৈছে৷ নিকোলাই ভাচিলিয়েভ নামৰ এজন ৰেপাৰ, তেওঁক অপৰম্পৰাগত যৌন সম্পৰ্ক প্ৰচাৰৰ বাবে কাৰাদণ্ড আৰু জৰিমনা বিহা হৈছিল।
পুটিনৰ মুখপাত্ৰ দিমিত্রি পেচকভৰ এটা ভিডিঅ’ ছ’চিয়েল মিডিয়াত প্ৰচাৰিত হৈছে। নিৰাপত্তা সেৱা সংযোগ থকা বাজা নামৰ সংবাদ প্ৰতিষ্ঠানটোৰ মতে অনুষ্ঠানটোৰ ফুটেজ আৰু ফটো পুটিনৰ ওচৰলৈ গৈছিল৷ এই বিতৰ্কই ৰাছিয়াত সংবাদ শিৰোনাম দখল কৰিছে৷ তাৰ বিপৰীতে কণীৰ মূল্য বৃদ্ধি আৰু মুদ্ৰাস্ফীতিৰ দৰে আন গুৰুত্বপূৰ্ণ বাতৰিবোৰ হৈ পৰিছে ম্লান৷
উল্লেখযোগ্য যে ২১ ডিচেম্বৰত মস্কোৰ মুটাবৰ নাইট ক্লাবত অনুষ্ঠিত এই পাৰ্টীটো ব্লগাৰ আনাস্তাছিয়া (নষ্টিয়া) ইভলীভাৰ দ্বাৰা আয়োজন কৰা হৈছিল।
Continue Reading
