মুখৰ পৰা আপুনি নিবিচৰা তিল পলকতে নোহোৱা কৰিব পাৰি, জানি লওক কেনেকৈ

ডিজিটেল ডেস্ক : ওঁঠ বা গালত তিল সৌন্দৰ্য্যৰ প্ৰতীক বুলি গণ্য কৰা হয়, কিন্তু যদি এই তিল মুখত বেছি হয়, তেন্তে ই আপোনাৰ সৌন্দৰ্য্যতো প্ৰভাৱ পেলাবলৈ আৰম্ভ কৰে। সেইবাবেই মানুহে মুখৰ পৰা নিবিচৰা তিল আঁতৰাবলৈ চেষ্টা কৰে। এনে অৱস্থাত প্ৰাকৃতিকভাৱে তিল কেনেকৈ আঁতৰাব পাৰি জানি লওক। যাৰ দ্বাৰা মুখৰ পৰা নিবিচৰা তিলবোৰ অতি কম সময়ৰ ভিতৰতে আঁতৰাই পেলাব পাৰি।

 আপেল চাইডাৰ ভিনেগাৰ ব্যৱহাৰ কৰক-

আপেল চাইডাৰ ভিনেগাৰ ব্যৱহাৰ কৰি মুখৰ পৰা তিল আঁতৰাই পেলাব পাৰি। ইয়াৰ দ্বাৰা আপোনাৰ ছালত থকা দাগবোৰ নোহোৱা হৈ পৰে। আচলতে আপেলৰ ভিনেগাৰত মেলিক আৰু টাৰ্টেৰিক নামৰ এচিড থাকে, যিয়ে আপোনাক তিল আঁতৰোৱাত সহায় কৰিব পাৰে। ইয়াক ব্যৱহাৰ কৰিবলৈ কপাহৰ সহায়ত মুখত আপেল চাইডাৰ ভিনেগাৰ লগাব লাগে। ইয়াৰ পাছত প্ৰায় ২ৰ পৰা ৩ ঘণ্টা ৰাখিব। পাছত সাধাৰণ পানীৰে ধুই পেলাব লাগে। এনেদৰে প্ৰায় ১৫দিনমান কৰিলে মুখৰ নিবিচৰা তিল নোহোৱা হৈ পৰিব।

 নহৰু ব্যৱহাৰ কৰক-

নহৰু ব্যৱহাৰ কৰি মুখৰ পৰা তিল আঁতৰাব পাৰি। ইয়াৰ বাবে নহৰু ভালদৰে পিহি তিলটোত লগাই নিশাটোৰ বাবে বান্ধি থৈ দিয়ক। পুৱা পানীৰে ধুই পেলাব লাগে। ইয়াৰ দ্বাৰা তিলটো লাহে লাহে নোহোৱা হৈ পৰিব।

কেষ্টৰ অইল আৰু বেকিং ছ’ডা-

মুখৰ পৰা তিল আঁতৰাবলৈ কেষ্টৰ অইল আৰু বেকিং ছ’ডা ব্যৱহাৰ কৰিব লাগে। ইয়াৰ প্ৰভাৱ অতি সোনকালে দেখা যায়। ১ চামুচ কেষ্টৰ অইল আৰু ১ চামুচ বেকিং ছ’ডা লৈ মিশ্ৰণটো মুখত লগাই নিশাটোৰ বাবে ৰাখি পুৱা মুখখন ধুই পেলাব লাগে। ইয়াৰ দ্বাৰা আপুনি নিবিচৰা তিল আঁতৰি অতি সহজে আৰু সোনকালে নোহোৱা হৈ যাব।