ডিজিটেল ডেস্কঃ বহু চৰ্চাৰ মাজতে ক্ৰীড়াপ্ৰেমীৰ বাবে এক আশাপ্ৰদ খবৰ৷ ইণ্ডিয়ান প্ৰিমিয়াৰ ২০২৪ৰ বাবে মুম্বাই ইণ্ডিয়ানছলৈ হাৰ্দিক পাণ্ডিয়া ঘূৰি অহাৰ সম্ভাৱনা আছে৷ গুজৰাট টাইটানছৰ অধিনায়কগৰাকীয়ে পাঁচবাৰৰ চেম্পিয়ন মুম্বাই ইণ্ডিয়ান্লৈ পুনৰ ঘূৰি যোৱাৰ গুণাগথাঁ চলিছে।
ক্ৰিকেটনেক্সট ডট কমৰ মতে, পাণ্ডিয়াৰ এম আইলৈ উভতি অহাটো অধিনায়কৰ প্ৰত্যক্ষ বিনিময় হ’ব পাৰে৷ৰোহিত শৰ্মাই গুজৰাট টানটান্ছৰ অধিনায়কৰ গুৰুদায়িত্ব ল’ব পাৰে৷ৰোহিতক হেৰুৱাটো এম আইৰ বাবে হয়তো সহজ নহ’বও পাৰে কাৰণ ৰোহিত শৰ্মাই মুম্বাই ইণ্ডিয়ানছক পাঁচটা খিতাপ জয়ত নেতৃত্ব প্ৰদান কৰিছে।
এম আইয়ে ৰোহিতৰ পৰা অধিনায়ক হিচাপে দায়িত্ব লোৱাৰ পূৰ্বে জোফ্ৰা আৰ্চাৰৰ ঠাইত হাৰ্দিকক দলত যোগদান কৰিবলৈ অনুৰোধ কৰিব পাৰে।মুম্বাইৰ সৈতে আই পি এল কেৰিয়াৰ আৰম্ভ কৰা হাৰ্দিকে ২০১৫, ২০১৭, ২০১৯ আৰু ২০২০ চনত চাৰিটা খিতাপ জয়ৰ সময়ত মুম্বাইৰ অংশ আছিল।২০২২ চনত হাৰ্দিকে গুজৰাটত যোগদান কৰি অধিনায়ক হিচাপে প্ৰথমবাৰতে জয়লাভ কৰে। ২০২৩ চনতো ফাইনেললৈ পাণ্ডিয়া নেতৃত্বাধীন গুজৰাট উপনীত হয়৷
Continue Reading
