ময়ূৰৰ কণী চুৰ কৰিবলৈ গৈ বিপদত পৰিল এইজন লোক! চাওঁক ভিডিঅ'

ডিজিটেল ডেস্কঃ নিজ সন্তানৰ প্ৰতি পিতৃ-মাতৃৰ যেনেদৰে মৰম থাকে, সেই একেই মৰম বন্যপ্ৰাণীৰ মাজতো দেখা যায়। কোনো চৰাই বা জন্তুৰ সন্তানক অনিষ্ট কৰিবলৈ গৈ কোনো মানুহ বিপদত পৰাও দেখিবলৈ পোৱা যায়। শেহতীয়াকৈ ছ'চিয়েল মিডিয়াত এটা ভিডিঅ' পোহৰলৈ আহিছে য'ত দেখা গৈছে যে নিজৰ স্বাৰ্থৰ বাবে ময়ূৰৰ কণীৰ ক্ষতি কৰিবলৈ অহা এজন ব্যক্তিয়ে কেনেদৰে এক শিক্ষা লাভ কৰিলে। ভিডিঅ'টোত দেখা গৈছে যে এজনী ময়ূৰে তাইৰ কণীবোৰ সুৰক্ষা দি আছে। নিজৰ সন্তানক পৃথিৱীৰ পোহৰ দেখুৱাবৰ বাবে ময়ূৰজনীয়ে নিজৰ কণীকেইটাত উম দি আছিল। ৰাস্তাৰ কাষতে কণীবোৰ সুৰক্ষা দি থাকোতে হঠাতে এজন মানুহ তাত উপস্থিত হ'ল। তেওঁৰ উদ্দেশ্য আছিল ময়ূৰৰ কণী চুৰি কৰা। সেই উদ্দেশ্যৰে মানুহজনে এটা-দুটাকৈ কণীবোৰ হাতত তুলি লয়। তেওঁ গম পোৱা নাছিল যে এই কামে তেওঁলৈ বিপদ মাতি আনিব পাৰে।

চাওঁক ভিডিঅ'

https://www.youtube.com/watch?v=cbDsFYlNl7M অন্য এটা ময়ূৰে যে তেওঁক লক্ষ্য কৰি আছিল সেই কথা মানুহজনে গমেই পোৱা নাছিল। কণীবোৰ তুলিবলৈ চেষ্টা কৰাৰ লগে লগে হঠাতে আন এটা ময়ূৰ উৰি আহি মানুহজনক আক্ৰমণ কৰিলে। ব্যক্তিজনে স্বাভাৱিকতে এনে অবাঞ্ছিত আক্ৰমণৰ প্ৰতি অলপো সাজু নাছিল। ময়ূৰৰ আ্ক্ৰমণত মানুহজন বাগৰি পৰে। যিকোনো প্ৰাণীয়ে নিজৰ কণী বা সন্তানক সুৰক্ষা দিবলৈ সকলো শক্তিৰে যুঁজিব পাৰে ভিডিঅ'টোৱে যেন তাকেই বুজালে। মানুহক শিক্ষা দিয়া এই ভিডিঅ'টো ছ'চিয়েল মিডিয়াত বৰ্তমান ভাইৰেল হৈ পৰিছে। আৰু পঢ়কঃ কাগজৰ অভাৱত পৰীক্ষা বাতিল হোৱা শুনিছেনে? এই স্থানত সংঘটিত হ’ল সেই কাণ্ড