ডিজিটেল ডেস্কঃ শেহতীয়াকৈ প্ৰতিষ্ঠিত সংবাদ প্ৰতিষ্ঠান বিবিচিয়ে নিজৰ এজন ঘোষকক নিলম্বন কৰিছে। কেইবাবছৰ ধৰি লাখ লাখ টকা খৰচ কৰি নাবালিকাৰ পৰা নগ্ন ফটো ক্ৰয় কৰাৰ অভিযোগ উত্থাপন হৈছে। ব্ৰিটেইনৰ ‘দ্য ছান’ কাকতত প্ৰকাশিত বাতৰি অনুসৰি বৃহস্পতিবাৰে এগৰাকী কিশোৰীৰ মাতৃয়ে বিবিচিৰ এংকৰৰ বিৰুদ্ধে অভিযোগ উত্থাপন কৰিছিল৷
কিশোৰীগৰাকীৰ মাতৃয়ে দাবী কৰিছিল যে এংকৰজনে ৩ বছৰত ৩৫ হাজাৰ পাউণ্ড অৰ্থাৎ ৩৭ লাখ টকা কন্যাক দিছিল আৰু বিনিময়ত তাইৰ নগ্ন ছবি ক্ৰয় কৰিছিল। ১৭ বছৰ বয়সলৈকে এংকৰজনে ছোৱালীগৰাকীক ধন দিছিল। সংবাদ মাধ্যমৰ খবৰ অনুসৰি ছোৱালীগৰাকীৰ বৰ্তমানৰ বয়স ২০ বছৰ।
উল্লেখ্য যে, বিষয়টো পোহৰলৈ অহাৰ পাছত বিবিচিয়ে এংকৰ গৰাকীৰ ওপৰত সময়মতে ব্যৱস্থা গ্ৰহণ নকৰাৰ অভিযোগৰ সন্মুখীন হৈছে। মে’ মাহত সাংবাদিকজনৰ বিৰুদ্ধে প্ৰথমবাৰৰ বাবে নগ্ন ফটোগ্ৰাফীৰ অভিযোগ উত্থাপন হৈছিল।
একে সময়তে বিবিচিয়ে কৈছে যে বিষয়টোৰ তদন্ত কৰি, প্ৰমাণ আৰু তথ্য পৰীক্ষা কৰিহে ব্যৱস্থা গ্ৰহণ কৰা হৈছে। ব্যৱস্থা গ্ৰহণৰ ক্ষেত্ৰত গাফিলতিৰ অভিযোগৰ সন্দৰ্ভত বিবিচিৰ সাংস্কৃতিক সম্পাদক কেটি ৰাছেলে কয় যে পৰিয়ালটোৱে ঘটনা সন্দৰ্ভত সঠিক সঁহাৰি নিদিয়াৰ বাবেহে তদন্ত কৰাত পলম হৈছিল।
Continue Reading
