ডিজিটেল ডেস্কঃ নেপালৰ আকাশত এখন হেলিকপ্টাৰ সন্ধানহীন হৈছে। ছজন যাত্ৰীক কঢ়িয়াই উৰা মৰাৰ অলপ পিছতে হেলিকপ্টাৰখন ৰাডাৰৰ পৰা অদৃশ্য হৈ পৰে। কেইবা ঘণ্টা পাৰ হৈ যোৱাৰ পিছতো কিন্তু হেলিকপ্টাৰখনৰ কোনো সমঅবেদ উলিয়াব পৰা হোৱা নাই। খবৰ অনুসৰি হেলিকপ্টাৰখন চোলুখুম্বুৰ পৰা কাঠমাণ্ডুলৈ গৈ আছিল। উৰা মৰাৰ কিছু সময় পিছতে হেলিকপ্টাৰখনৰ সৈতে সকলো যোগাযোগ বিচ্ছিন্ন হৈ পৰে।
হেলিকপ্টাৰখন থকা ছয়জন লোকৰ ভিতৰত এজন পাইলট আৰু বাকী আন সকলো বিদেশী নাগৰিক আছিল বুলি জানিব পৰা গৈছে। স্থানীয় সময় অনুসৰি পুৱা ১০ বজাত হেলিকপ্টাৰখনে উৰা মাৰিছিল।উৰণৰ মাত্ৰ ১২ মিনিটৰ পিছতে হেলিকপ্টাৰখনৰ সৈতে সকলো যোগাযোগ বিচ্ছিন্ন হৈ পৰে।
নেপালৰ অসামৰিক বিমান পৰিবহন দপ্তৰৰ এগৰাকী বিষয়াই হেলিকপ্টাৰখন নিৰুদ্দেশ হোৱাৰ খবৰটো টুইট কৰিছে। জ্ঞানেন্দ্ৰ ভুল নামৰ বিষয়াগৰাকীয়ে কয়, "উৰণৰ ১২ মিনিটৰ ভিতৰতে হেলিকপ্টাৰ খনৰ সৈতে নিয়ন্ত্ৰণ টাৱাৰৰ সম্পৰ্ক হেৰাই যায়। "
আন এখন হেলিকপ্টাৰে ইতিমধ্যে সন্ধানহীন হেলিকপ্টাৰৰ সন্ধানত কাঠমাণ্ডুলৈ উৰা মাৰিছে। সূত্ৰ অনুসৰি সন্ধানহীন হোৱা হেলিকপ্টাৰখনৰ ধ্বংসাৱশেষ ভাকাঞ্জে অঞ্চলৰ এখন গাঁৱৰ কাষত উদ্ধাৰ হোৱা বুলি খবৰ আহিছে। অৱশ্যে এতিয়ালৈকে আনুষ্ঠানিকভাৱে এই বিষয়ত একো কথা প্ৰকাশ কৰা হোৱা নাই।
Continue Reading
