ডিজিটেল ডেস্ক: বিবাহ হৈছে দুজন ব্যক্তিৰ মিলনৰ শুভক্ষণ৷ বিবাহৰ সময়ত ইজনে-সিজনৰ হাতত ধৰি প্ৰতিজ্ঞাবদ্ধ হয় ৭ জনমলৈ৷ প্ৰতিটো দুখ-সুখৰে সমভাগী হয় দুয়ো৷ কিন্তু বিয়াৰ পাছত যদি ফুলশয্যা নিশাৰ মুহুৰতৰ বাবে ১০ বছৰ অপেক্ষা কৰিব লাগে তেনেহ’লে ই হৈ পৰে বিষাদদায়ক৷ এনে এক ঘটনাৰ সাক্ষী হৈছে ছত্তীশগড়ৰ এজন ব্যক্তি৷ অৱশেষত ছত্তীশগড় উচ্চ ন্যায়ালয়ে ব্যক্তিজনক বিবাহ বিচ্ছেদৰ নিৰ্দেশ দিয়ে৷ জানিব পৰা মতে, শুভমুহুৰতৰ বাবে ১০ বছৰ কাল অপেক্ষ কৰিছিল পত্নীলৈ। য’ত উচ্চ ন্যায়ালয়ে কয়- ‘এয়া পৰিত্যাগৰ সমান।’
একাত্মকতাই বান্ধি ৰাখে দুটি মন৷ সুখী পৰিয়ালৰ বাবে স্বামী-পত্মীৰ মনৰ মিলন অতিকৈ প্ৰয়োজন৷ তাৰবাবে শুভ সময় বিচাৰ কৰিব নালাগে৷ মনে বিচাৰিলেই প্ৰতিটো সময়েই যেন শুভমুহুৰত৷ কিন্তু পত্নীয়ে যেতিয়া বৈবাহিক জীৱন আৰম্ভ কৰিবলৈ শুভ সময়লৈ অপেক্ষা কৰায় এয়া যেন অনাকাংক্ষিত৷
ছত্তীশগড়ৰ সন্তোষ সিং নামৰ এজন লোকৰ ক্ষেত্ৰতো ঘটিছিল সেই অনাকাংক্ষিত ঘটনাটো৷ বিবাহৰ পাছত ফুল শয্যানিশাৰ বাবে এদিন দুদিন নহয় সম্পূৰ্ণ ১০ বছৰ অপেক্ষা কৰাইছিল তেওঁৰ পত্নীয়ে৷ অৱশেষত ছত্তীশগড় উচ্চ ন্যায়ালয়ৰ কাষ চাপে সন্তোষ৷ কিন্তু আদালতে এই আৱেদন খাৰিজ কৰিছিল।
আৱেদন অনুসৰি, তেওঁ ২০১০ চনত বিবাহপাশত আবদ্ধ হৈছিল সন্তোষ৷ বিবাহৰ পাছত তেওঁৰ পত্নী সৈতে প্ৰায় ১১ দিন একেলগে বাস কৰিছিল। ইয়াৰ পাছতেই পত্নীৰ পৰিয়ালে ঘৰলৈ গৈছিল তেওঁৰ অৰ্ধাংগিনীক৷ আৰু সন্তোষৰ পৰিয়ালটোক অনুৰোধ কৰিছিল যে, ফুলশয্যা নিশাৰ বাবে শুভমুহুৰত আহিলেহে পত্নীক ওভতাই পাব৷
সম্পূৰ্ণ ১০ বছৰ ধৰি সিং বঞ্চিত হৈছিল দাম্পত্যসুখৰ পৰা৷ আনহাতে পত্নীৰ ভাষ্য অনুসৰি, পত্নীয়ে সন্তোষৰ লগত সুখৰ জীৱন অতিবাহিত কৰিব বিচাৰিছিল কিন্তু তাৰবাবে ফুলশয্যা নিশাৰ সময় অহা নাছিল৷ অৱশেষত আদালতত উত্থাপন হৈছিল এই বিষয়টো৷ আদালতে বিচাৰৰ ভিত্তিত বিবাহ বিচ্ছেদৰ নিৰ্দেশ দিয়ে দুয়োকে।
Continue Reading
