নাৰায়ণপুৰত মুখ্যমন্ত্ৰী মহিলা উদ্যমিতা আঁচনিৰ চেক বিতৰণ অনুষ্ঠানত সন্তান প্ৰসৱ কৰিলে মহিলাই

ডিজিটেল ডেস্ক: নাৰায়ণপুৰ জৰাবাৰীত আজি অনুষ্ঠিত হোৱা মুখ্যমন্ত্ৰী মহিলা উদ্যমিতা আঁচনিৰ চেক বিতৰণ অনুষ্ঠানত ঘটিল এক অভূতপূৰ্ব ঘটনা। অনুষ্ঠান চলি থকাৰ মাজতেই এগৰাকী মহিলাই প্ৰসৱ কৰে এটি নৱজাতক সন্তান।

লখিমপুৰ জিলাৰ নাৰায়ণপুৰ জৰাবাৰীস্থিত অনুষ্ঠানস্থলীত আজি বৃহৎ পৰিসৰত মুখ্যমন্ত্ৰী মহিলা উদ্যমিতা আঁচনিৰ অধীনত হিতাধিকাৰীসকলক চেক বিতৰণ কৰা হৈছিল।

এই অনুষ্ঠান চলি থকা অৱস্থাতে এগৰাকী গৰ্ভৱতী মহিলাৰ আকস্মিকভাৱে প্ৰসৱ বেদনা আৰম্ভ হয়। লগে লগে স্বাস্থ্য বিভাগৰ কৰ্মী আৰু উপস্থিত লোকৰ সহায়ত অনুষ্ঠানস্থলীতেই সুৰক্ষিতভাৱে প্ৰসৱ সম্পন্ন হয়। মাতৃ আৰু নৱজাতক দুয়ো সুস্থ বুলি জানিব পৰা গৈছে।

এই ঘটনাই অনুষ্ঠানস্থলীত এক আৱেগিক পৰিবেশৰ সৃষ্টি কৰে। উপস্থিত সকলোৱে মাতৃ আৰু কেঁচুৱাৰ সুস্বাস্থ্য কামনা কৰে।