১৪ ডিচেম্বৰত নাহৰকটীয়ালৈ আহিব প্ৰধানমন্ত্ৰী মোদী; নামৰূপ সাৰকাৰখানাৰ নতুন প্ৰকল্পৰ শিলান্যাস কৰিব প্ৰধানমন্ত্ৰীয়ে

ডিজিটেল ডেস্ক: অহা ১৪ ডিচেম্বৰত নাহৰকটীয়া সমষ্টিলৈ আহিব দেশৰ প্ৰধানমন্ত্ৰী নৰেন্দ্ৰ মোদী। প্ৰায় ১০ হাজাৰ কোটি টকা ব্যয় সাপেক্ষে নামৰূপ সাৰকাৰখানাৰ এক নতুন ইউৰিয়া প্ৰকল্পৰ আধাৰশিলা স্থাপন কৰিব প্ৰধানমন্ত্ৰী মোদীয়ে।

প্ৰধানমন্ত্ৰীৰ নাহৰকটীয়া আগমনক কেন্দ্ৰ কৰি এতিয়া উৎফুল্লিত বিজেপিৰ কাৰ্যকৰ্তাসকল। নামৰূপৰ হাপজানৰ বৃহৎ কৃষিপথাৰত অনুষ্ঠিত প্ৰধানমন্ত্ৰীগৰাকীৰ বিশাল জনসভা আৰু এই জনসভাস্থলীত দিন ৰাতি একাকাৰ কৰি নৰা কটাৰ লগতে চাফ-চিকুণ কৰাত উঠি পৰি লাগিছে বিজেপিৰ কাৰ্যকৰ্তাসকল।

দেওবাৰে জয়পুৰ মণ্ডল বিজেপিৰ সভাপতি মৃদুল কলিতাৰ নেতৃত্বত তিনিশতাধিক মহিলাই প্ৰধানমন্ত্ৰীগৰাকীৰ সভা অনুষ্ঠিত হ'ব লগা স্থানৰ নৰা কটাৰ লগতে পৰিস্কাৰ পৰিচ্ছন্ন কৰে। পোন প্ৰথমবাৰৰ বাবে নাহৰকটীয়া সমষ্টিলৈ প্ৰধানমন্ত্ৰী আগমন ঘটিব আৰু তাকে লৈ উৎফুল্লিত এতিয়া বিজেপি কৰ্মীসকল।