ডিজিটেল ডেস্কঃ ১৪ এপ্ৰিল, ২০২২। কাপুৰ পৰিয়ালৰ বোৱাৰী হৈ পৰে আলিয়া ভাট। বলীউডৰ অন্যতম সফল অভিনেত্ৰী আলিয়া। পাঁচ বছৰীয়া প্ৰেমৰ অন্তত আলিয়াই ৰণবীৰৰ ডিঙিত বৰমালা পিন্ধায়। দুই তাৰকাৰ এই নতুন পৃথিৱীখনৰ বয়স মাত্ৰ ২ মাহ।
ৰণবীৰ-আলিয়াৰ প্ৰেমৰ বিষয়ে বলীউডত কৌতুহলৰ শেষ নাই। দীৰ্ঘদিন ধৰি আলোচনাৰ কেন্দ্ৰবিন্দু হৈ আহিছে এই তাৰকা দম্পতী। পিছে, ৰণবীৰ-আলিয়াৰ প্ৰেমৰ এটা অন্যতম গোপন কথা হৈছে ‘৮’। এই ৮ সংখ্যাটো তেওঁলোকৰ সম্পৰ্কৰ সৈতে গভীৰভাৱে জড়িত হৈ আছে। ৰণবীৰ-আলিয়াৰ প্ৰেমলৈ বাৰে বাৰে ঘূৰি আহিছে ‘৮’। এই সংখ্যাটোৰ সৈতে ৰণবীৰ-আলিয়াৰ কি সম্পৰ্ক আছে সেয়া জানিবলৈ পৰা হোৱা নাই যদিও একাধিক প্ৰসংগত এই সংখ্যাই স্থান পোৱা দেখা যায়।
ৰণবীৰৰ জাৰ্ছী নম্বৰ ৮- এই বিষয়ে সকলোৱে ইতিমধ্যে অৱগত। যিকোনো খেলতে ৮ নম্বৰ জাৰ্ছী পৰিধান কৰা দেখা গৈছিল ৰণবীৰক। বহুতে যিটো বিষয়ে নাজানে সেইটো হ’ল আলিয়াৰ বিয়াৰ ওৰণিৰ পৰা মংগলসূত্ৰলৈকে কেৱল মাত্ৰ ৮ সংখ্যাটো সিঁচৰতি হৈ আছিল। আলিয়া ভাটৰ মংগলসূত্ৰত ৮ সংখ্যাটো খোদিত আছিল। বিয়াৰ সাজৰ ওৰণিতো এই সংখ্যাটি দেখিবলৈ পোৱা গৈছিল।
সেই নম্বৰৰ গোপনীয়তা সম্পৰ্কে ৰণবীৰক সোধাত তেওঁ কৈছিল যে, ৮ জুলাই তেওঁৰ মাতৃ নীতু কাপুৰৰ জন্মদিন। কিন্তু কেৱল সেয়াই নহয়, ইংৰাজী ৮ সংখ্যাটো তেওঁৰ অন্যতম প্ৰিয় নম্বৰ। এই সংখ্যাটোৰে ‘Infinity’ চিহ্নটোৰো সাদৃশ্য আছে আৰু সেইবাবেই ৰণবীৰে এই সংখ্যাটোৰে ঘনিষ্ঠতা অনুভৱ কৰে। দাম্পত্য জীৱনক চিৰন্তৰ ৰূপ দিবৰ বাবেই নেকি আলিয়াৰ মংগলসূত্ৰত খোদিত কৰা হৈছিল ৮ সংখ্যাটি? সেয়া আজিও সকলোৰে বাবে এক অপ্ৰকাশিত, অজানা সাঁথৰ।
Continue Reading
