ডিজিটেল ডেস্কঃ সামন্ত ৰুথ প্ৰভু আৰু নাগা চৈতন্যৰ সম্পৰ্কক লৈ চৰ্চাৰ শেষ নাই। প্ৰেম, বিবাহ, বিবাহ বিচ্ছেদৰ বাহিৰেও এই দুই দক্ষিণৰ তাৰকা শিৰোনামত আহিছে বিভিন্ন কাৰণত। নাগা চৈতন্যই নতুনকৈ প্ৰেমত পৰাৰ গুঞ্জন উঠিছে এইবাৰ।
উল্লেখ্য যে, ২০১৭ চনত সামন্থা ৰুথ প্ৰভুৰ সৈতে বিবাহপাশত আবদ্ধ হৈছিল নাগা চৈতন্য। বিবাহৰ চাৰি বছৰ একেলগে কটাইছে দুয়ো, আক্কিনেনী পৰিয়াল পোহৰাই তুলিছিল ‘পুষ্পা’ৰ আইটেম গাৰ্ল সামান্থাই। কিন্তু হঠাত্ তেওঁৰ সুখৰ সংসাৰত ফাঁট মেলিবলৈ লয় আৰু ২০২১ চনত নাগা আৰু সামন্থাই যৌথ বিবৃতিযোগে বিবাহ বিচ্ছেদৰ কথা ঘোষণা কৰিছিল। স্বাভাৱিকতে, এই খবৰ জোকাৰি গৈছিল মনোৰঞ্জন জগত। বিষয়টো আজিও চৰ্চিত হৈ থকা দেখা যায়।
পিছে সময়ৰ লগে লগে দুয়ো নিজৰ ব্যক্তিগত জীৱনৰ কথাবোৰ আৰু অধিক দকৈ ভাবিবলৈ লৈছে। নাগা চৈতন্যৰ বাবে সামন্থা এতিয়া অতীত, নাগা চৈতন্যই নতুনকৈ প্ৰেমৰ ৰাৰ উঠিছে গুঞ্জন। এক বিশেষ সূত্ৰৰ খবৰ অনুসৰি, মডেল-অভিনেত্ৰী ছোভিতা ধুলিপালাৰ প্ৰেমত পৰিছে হেনো নাগা চৈতন্য। দুয়োকে কেইবাবাৰো একেলগে দেখিবলৈ পোৱা গৈছে বিভিন্ন স্থানত।
নতুন সম্পৰ্কৰ গুঞ্জনক লৈ অৱশ্যে নাগা বা ছোভিতা কোনেও মুখ খোলা নাই। নাগা চৈতন্যৰ নতুন ঘৰত প্ৰায়ে ছোভিতাক দেখিবলৈ পোৱা বুলিও প্ৰকাশ পাইছে। তথাপি, দুয়োৰে পৰা এই সম্পৰ্কৰ আনুষ্ঠানিক অনুমোদন নোপোৱালৈকে এই গুঞ্জনৰ যে মোখনি নপৰে, সেয়া ধুৰূপ!
Continue Reading
