ডিজিটেল ডেস্ক
ভাৰতৰ গল্ডেন বয় খ্যাত নীৰজ চোপ্ৰাই শুকুৰবাৰে জেভেলিন থ্ৰ'ত ডায়মণ্ড লীগ খিতাপ অৰ্জন কৰে৷ এই খিতাপ লাভ কৰি নীৰজ চোপ্ৰাই ৰচিলে আন এক ইতিহাস৷ তদুপৰি এই খিতাপ লাভৰ জৰিয়তে এক শক্তিশালী প্ৰত্যাৱৰ্তন কৰিছে গল্ডেন বয় নীৰজ চোপ্ৰাই৷ পিঠিৰ আঘাতৰ বাবে কমনৱেলথ গেমছৰ পৰাও পৰাও আঁতৰি আছিল ২৪ বছৰীয়া নীৰজ চোপ্ৰা৷
যোৱা এমাহ খেল জগতৰ পৰা আঁতৰি আছিল নীৰজ চোপ্ৰা৷ কিন্তু পিঠিৰ আঘাতে ম্লান কৰিব নোৱাৰিলে তেওঁৰ প্ৰতিভাক । ৮৯.০৯ মিটাৰ থ্ৰ' আছিল তেওঁৰ কেৰিয়াৰৰ অন্যতম শ্ৰেষ্ঠ প্ৰদৰ্শন।
হাংগেৰীৰ বুদাপেষ্টত অনুষ্ঠিত ২০২৩ চনৰ বিশ্ব চেম্পিয়নশ্বিপৰ বাবে শেহতীয়াকৈ যোগ্যতা অৰ্জন কৰে নীৰজ চোপ্ৰাই । চোপ্ৰাই বিশ্ব চেম্পিয়ন গ্ৰেনাডাৰ এণ্ডাৰছন পিটাৰ্ছৰ পিছতে ষ্টকহোম লেগত ৮৯.৯৪ মিটাৰ ৰাষ্ট্ৰীয় ৰেকৰ্ড থ্ৰোৰে দ্বিতীয় স্থান লাভ কৰিবলৈয়ো সক্ষম হৈছিল।
উল্লেখযোগ্য যে , হাৰিয়ানাৰ নীৰজ চোপ্ৰা হৈছে ডায়মণ্ড লীগৰ বাবে যোগ্যতা অৰ্জন কৰা প্ৰথম গৰাকী ভাৰতীয়৷ ইয়াৰ পূৰ্বে বিকাশ গৌডা ডায়মণ্ড লীগৰ অন্তিম ৰাউণ্ডত পৰাস্ত হৈছিল৷ এই ডায়মণ্ড লীগ জুৰিছত ৭-৮ চেপ্তেম্বৰত অনুষ্ঠিত হ’ব৷ আৰু প্ৰথম গৰাকী ভাৰতীয় হিচাপে নীৰজ চোপ্ৰাই ডায়মণ্ড লীগত অংশ ল’ব৷
Continue Reading
