ডিজিটেল ডেস্কঃ বৰ্তমান বিশ্বকাপৰ অন্তিমখন খেল ভাৰত আৰু অষ্ট্ৰেলিয়াৰ মাজত চলি আছে। এইখন খেল আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হৈছে। দীপিকা পাডুকন,ৰণবীৰ সিং আৰু শ্বাহৰুখ খানৰ দৰে বহু তাৰকান টীম ইণ্ডিয়াক সমৰ্থন কৰিবলৈ ষ্টেডিয়ামত উপস্থিত হৈছে। এতিয়া অভিনেতা অজয় দেৱগনেও টীম ইণ্ডিয়াক নিজ গৃহৰ পৰা সমৰ্থন কৰা দেখা গৈছে।
অজয় দেৱগনে নিজৰ ইনষ্টাগ্ৰাম একাউণ্টত কিছু ছবি শ্বেয়াৰ কৰিছে। য’ত তেওঁক পৰিয়ালৰ সৈতে টীম ইণ্ডিয়াক জয়ৰ বাবে কামনা কৰা দেখা গৈছিল। এই ছবিখনত অজয় দেৱগন, তেওঁৰ পত্নী কাজোল আৰু সন্তানৰ সৈতে অভিনেতা বৎসল ছেঠকো দেখা গৈছে।এই ছবিসমূহ শ্বেয়াৰ কৰাৰ সময়ত অজয় দেৱগনেও লিখিছে বিশেষ কেপচন। অভিনেতাজনে লিখিছে – ‘টীম ইণ্ডিয়াৰ বাবে দেৱগনৰ পৰিয়ালৰ শুভকামনা থাকিল...ট্ৰফী ঘৰলৈ লৈ আহক...’ উল্লেখ্য যে ছবিখনত থকা সকলোৱে টীম ইণ্ডিয়াৰ জাৰ্চি পিন্ধিছে। অভিনেতাগৰাকীৰ এই পোষ্টটোৰ ওপৰত অনুৰাগীসকলে যথেষ্ট মন্তব্য কৰা দেখা গৈছে। কম সময়ৰ ভিতৰতে ছবি সমূহে এক লাখৰো অধিক লাইক লাভ কৰিছে। ইয়াৰ লগতে অনুৰাগীসকলেও টীম ইণ্ডিয়াৰ জয়ৰ বাবে প্ৰাৰ্থনা কৰিছে।
অভিনেত্ৰী কৃতি খৰবণ্ডায়ো নিজৰ ইনষ্টাগ্ৰাম একাউণ্টৰ ষ্ট’ৰীত খেলখন চাই থকা এখন ছবি শ্বেয়াৰ কৰিছে। যাৰ কেপচনত তেওঁ লিখিছে – ‘ইণ্ডিয়া...’৷উল্লেখ্য যে আজিৰ খেলখনত ইতিমধ্যে ভাৰতে প্ৰথমে বেটিং কৰি ২৪১ৰাণৰ লক্ষ্য অষ্ট্ৰেলিয়াৰ সন্মুখত বান্ধি দিছে৷
Continue Reading
