নহৰু কি...পাচলি নে মছলা? কেঁচাকৈ খালে আপোনাৰো শক্তি হ’ব দুগুণ

কিন্তু আপুনি কেতিয়াবা ভাবিছেনে নহৰু পাচলি নে মছলা? নহৰুক লৈ শাক-পাচলি আৰু মছলাৰ এই যুদ্ধ কেৱল আপোনাৰ আৰু আমাৰ মাজত নহয়। দৰাচলতে যোৱা ৯ বছৰে এই প্রশ্ন সন্দর্ভত বহু লোক আদালতৰ দুৱাৰমুখতো উপস্থিত হৈছিল৷ ইয়াৰ পৰিণাম কি হৈছিল জানো আহক -

এই গোটেই বিষয়টো ২০১৫ চনৰ পৰাই আৰম্ভ হৈছিল। কৃষকসকলে চৰকাৰৰ ওচৰত দাবী জনাইছিল যে নহৰুক শাক-পাচলি বুলি গণ্য কৰা উচিত, যাতে ইয়াক শাক-পাচলিৰ বজাৰত বিক্ৰী কৰিব পৰা যায়। মধ্য প্ৰদেশ মাৰ্কেট ব’ৰ্ডেও তেওঁৰ বক্তব্য গ্ৰহণ কৰে। কিন্তু কৃষি বিভাগে এই ‘নহৰু’ক লৈ কৰা অভোযোগ ভাল নাপালে আৰু এই সংকল্প বাতিল কৰি নহৰুক মছলাৰ শিতানত পঞ্জীয়ন কৰিলে। এই বিষয়টো আদালতত উপনীত হ’ল। এতিয়া ন্যায়াধীশ এছ এ ধৰ্মাধিকাৰী আৰু ডি ভেংকটাৰমণক লৈ গঠিত মধ্যপ্ৰদেশ আদালতে পুনৰ নহৰুক পাচলিৰ শ্ৰেণীত স্থান দিলে। ২০১৭ চনৰ আদেশ অনুসৰি নহৰু নষ্ট হ’ব পৰা, সেয়েহে ইয়াক পাচলি বুলি গণ্য কৰা উচিত। আদালতে এই সিদ্ধান্তত উল্লেখ কৰে যে শাক-পাচলি আৰু মছলা উভয় বজাৰতে নহৰু বিক্ৰী কৰিব পৰা যাব। অৰ্থাৎ এতিয়া আদালতৰ মতে নহৰু এবিধ পাচলি।

এতিয়া নহৰু পাচলি নে মছলা সেই সন্দৰ্ভত আদালতৰ সিদ্ধান্ত যিয়েই নহওক কিয়, আমাৰ বাবে নহৰুৰ উপকাৰিতা বহুল ৷নহৰুত প্ৰচুৰ পৰিমাণে এণ্টি-বেক্টেৰিয়েল, এণ্টিঅক্সিডেণ্ট আৰু এণ্টি-ফাংগেল গুণ থাকে। ইয়াত আইৰণ, ফাইবাৰ, জিংক, কপাৰ, কাৰ্বহাইড্ৰেট আৰু কেলচিয়াম আদি বহুতো পুষ্টিকৰ উপাদান পোৱা যায়। কেঁচা নহৰু সকলোৰে বাবে উপকাৰী। কিন্তু পুৰুষৰ শক্তিৰ বাবে ই অতি ফলপ্ৰসূ। পুৰুষৰ ইৰেক্টিল ডিছফংচনৰ সমস্যা দূৰ কৰাত ই ফলপ্ৰসূ বুলি প্ৰমাণিত হয়। কাৰণ নহৰুত এলিচিন নামৰ যৌগ থাকে, যিয়ে ৰক্তকণিকা প্ৰসাৰিত কৰি তেজৰ সোঁত বৃদ্ধি কৰে। নিয়মিতভাৱে নহৰু সেৱন কৰিলে পুৰুষৰ শাৰীৰিক বল বৃদ্ধি পায়।

মৌ ৰসৰ লগত কেঁচা নহৰু খোৱাটো অতি উপকাৰী বুলি গণ্য কৰা হয়। একে সময়তে হজম শক্তিৰ অভাৱত ভুগি থকাসকলৰ বাবেও নহৰু সেৱন উপকাৰী হ’ব পাৰে। ৰাতিপুৱা খালী পেটত নহৰু সেৱন কৰিলেও পেটৰ বিষ আৰু বদহজমৰ পৰা উপশম পোৱা যায়।