ডিজিটেল ডেস্কঃ বলীউডৰ জনপ্ৰিয় অভিনেত্ৰীসকলৰ ভিতৰত অন্যতম কৰীণা কাপুৰ খান। তেওঁৰ বহু কেইখন জনপ্ৰিয় ছবি আছে। কিন্তু আপুনি শুনি আচৰিত হ’ব যে কৰীণাই আজিলৈকে এখনো নিজৰ ছবি চোৱা নাই। এই কথা নিজে সদৰী কৰিছে খোদ অভিনেত্ৰীগৰাকীয়ে।
আপোনালোকেই জানেই যে অনুৰাগীসকলে আগ্ৰহেৰে অপেক্ষা কৰি আছে কৰণ জোহৰৰ জনপ্ৰিয় টক শ্ব’ ’কফী উইথ কৰণ ৮’ৰ বাবে। এতিয়ালৈকে শ্ব’টোৰ খণ্ডবোৰ যথেষ্ট বিস্ফোৰক হৈ পৰিছে। এতিয়া ইয়াৰ আগন্তুক খণ্ডটোও বৰ উপভোগ্য হ’ব। শ্ব’টোৰ পৰৱৰ্তী অতিথি হ’ল কৰীণা কাপুৰ খান আৰু আলিয়া ভাট।
এই শ্ব’টোত কৰীণা কাপুৰ আৰু আলিয়া ভাটে বহু আমোদজনক কথা কৈছে। কৰীণাই এই অনুষ্ঠানটোত প্ৰকাশ কৰিছে যে তেওঁ কেতিয়াও নিজৰ ছবি নাচায়। অভিনেত্ৰীগৰাকীয়েও ইয়াৰ এক অতি বিশেষ কাৰণ দাঙি ধৰিছে। কৰীণাই কয় যে তেওঁ নিজকে ছবিত দেখি নাৰ্ভাছ অনুভৱ কৰে, সেইবাবেই তেওঁ নিজৰ ছবি নাচায়।
কৰীণাই কয় যে- "মই যেতিয়াই চিনেমাত নিজকে দেখা পাওঁ তেতিয়াই মোৰ বৰ অস্বস্তি অনুভৱ হয়। মোৰ কোনো এখন ছবি মই চোৱা নাই। মই অনুভৱ কৰোঁ যে মই এনে এক স্থানত আছো য'ত মই অতি সুখী, অতি শান্ত, অতি মই ষ্ট্ৰেছফ্ৰী আৰু সকলোখিনি ভালে চলি আছে।" এনে পৰিস্থিতিত মই অনুভৱ কৰোঁ যে যদি মই নিজকে চাওঁ তেন্তে মই নিজকে বিচাৰ কৰিবলৈ আৰম্ভ কৰিম।"
কৰীণাৰ কথা শুনি কাষতে বহি থকা আলিয়া যথেষ্ট আচৰিত হৈ পৰে। আলিয়াই কৰীণালৈ চাই কয় যে ''আপোনাৰ বহুত আত্মবিশ্বাস আছে।''
Continue Reading
