ডিজিটেল ডেস্কঃ ৰহস্যজনকভাৱে মৃত্যুক সাৱটি ল’লে মালিছা মুনী এগৰাকী মডেলে। মৰণোত্তৰ পৰীক্ষাৰ প্ৰতিবেদনত প্ৰকাশ পাইছে যে ১২ ছেপ্টেম্বৰত লছ এঞ্জেলছৰ নিজৰ এপাৰ্টমেণ্টত মৃত অৱস্থাত উদ্ধাৰ হোৱা মডেলগৰাকী দুমাহৰ গৰ্ভৱতী আছিল। মৃত্যুৰ পূৰ্বে তেওঁ সংঘাততো লিপ্ত হৈছিল।
নিউয়ৰ্ক পোষ্টৰ এক প্ৰতিবেদন অনুসৰি মালিছা মুনীৰ মৰণোত্তৰ পৰীক্ষাৰ ফলাফলত তেওঁৰ মুখ, মূৰ, পিঠি আৰু বাওঁহাতৰ ওপৰৰ অংশত ব্লান্ট ফৰ্চ আঘাত পোৱা দেখা গৈছে। তেওঁৰ শৰীৰত বেনজ’ইলেকগ’নিনৰ দৰে ঔষধৰ লগতে কোকেইথাইলিন আৰু ইথানলৰ মিশ্ৰণৰ উপস্থিতি পোৱা গৈছে।
উল্লেখযোগ্য যে ১২ ছেপ্টেম্বৰত মুনীৰ মৃতদেহ ফ্ৰীজৰ ভিতৰত মুখ বন্ধ কৰি হাতৰ কব্জি আৰু গোৰোহা বান্ধি থোৱা অৱস্থাত উদ্ধাৰ কৰা হৈছিল। ভনীয়েকৰ মতে, মৃত্যুৰ সময়ত তেওঁৰ গৰ্ভৱতীও আছিল দুমাহৰ।
লছ এঞ্জেলছ কাউন্টি মেডিকেল এগজামিনাৰে তেওঁৰ মৃত্যুক “হিংসাৰ ফলত হোৱা” বুলি ৰায় দিছিল। আৰক্ষী বিষয়াসকলে কয় যে তেওঁলোকে মুনীৰ আইক্লাউডত এটা সতৰ্কবাণীও পাইছিল য’ত কোনোবাই তেওঁৰ ডিভাইচ ব্যৱহাৰ কৰা বুলি ইংগিত দিছিল, যিয়ে তেওঁৰ পৰিয়ালক ইংগিত দিছিল যে তেওঁৰ হত্যাকাৰীয়ে তেওঁৰ আইফোন আৰু মেকবুকক পণ্য কৰি ৰাখিবলৈ চেষ্টা কৰিছে।
Continue Reading
