ডিজিটেল ডেস্ক: এগৰাকী ষ্টেজ থ্ৰী স্তন কেন্সাৰ ৰোগী নিজ গৱেষণাৰে প্ৰস্তুত কৰা ভেকচিনেৰে কেন্সাৰ মুক্ত হোৱাৰ খবৰে সৰ্বত্ৰ চৰ্চা লাভ কৰিছে৷ বিটা হালাছী নামৰ এই মহিলাগৰাকীৰ গৱেষণা তথা গৱেষণাৰ সফলতাৰ কাহিনী সামাজিক মাধ্যমত ভাইৰেল হৈ পৰাৰ লগতে তেওঁৰ সফলতাৰ কাহিনীয়ে বহুজনক অনুপ্ৰাণিত কৰিছে৷
প্ৰাপ্ত তথ্য অনুসৰি বিটা হালাছীয়ে মেষ্টেক্টমী কৰাৰ পিছতো ষ্টেজ থ্ৰী স্তন কেন্সাৰ ৰোগত আক্ৰান্ত হৈছিল। তেওঁ দ্বিতীয় ৰাউণ্ডৰ কেমোথেৰাপি ল’ব নোৱাৰাৰ অৱস্থাহোৱা বাবে সংক্ৰামক ৰোগ গৱেষণাৰ বিশেষজ্ঞ হিচাপে বিটা হালাছীয়ে এই ডাঙৰ সিদ্ধান্ত গ্ৰহণ কৰিছিল।
তেওঁ নিজৰ গৱেষণাৰ সহায়ত পোনে পোনে তেওঁৰ টিউমাৰত ভেকচিন লৈছিল। ভেকচিন লোৱাৰ হালাছিৰ ব্যৱহাৰ সফল হৈছিল। ইয়াৰ পাছত এতিয়া চাৰি বছৰ ধৰি কেন্সাৰমুক্ত হৈ আছে বিটা হালাছী।
উল্লেখযোগ্য যে ২০১৬ চনত প্ৰথমবাৰ বিটা হালাছীৰ শৰীৰত কৰ্কট ৰোগ ধৰা পৰিছিল, কিন্তু ২০২০ চনত টিউমাৰে তৃতীয় পৰ্যায়ত উপনীত হোৱাৰ পাছত নতুন প্ৰত্যাহ্বানৰ সন্মুখীন হৈছিল। আৰু এগৰাকী বিশেষজ্ঞ হিচাপে তেওঁ বছৰ বছৰ ধৰি এই ভাইৰাছৰ ওপৰত গভীৰ অধ্যয়ন কৰি আছিল। তেওঁ অংক’লাইটিক ভাইৰ’থেৰাপি(OVT)ৰ বিষয়ে বহু তথ্য সংগ্ৰহ কৰিব বিচাৰিছিল। যি জিনীয়ভাৱে পৰিৱৰ্তিত ভাইৰাছ ব্যৱহাৰ কৰি কেন্সাৰ কোষক লক্ষ্য কৰি ধ্বংস কৰে, একে সময়তে সুস্থ কোষক ক্ষতি নকৰিবলৈ যত্ন লয়।
Continue Reading
