ডিজিটেল ডেস্ক : ভাৰতীয় লোকৰ বাবে মছলাৰ ৰজা হালধি আয়ুৰ্বেদিক গুণেৰে ভৰপূৰ আৰু যিকোনো পাচলি হালধি অবিহনে অসম্পূৰ্ণ বুলি গণ্য কৰা হয়। ই শাক-পাচলিত উৎকৃষ্ট সোৱাদ আৰু ৰঙৰ পয়োভৰ কৰে আৰু ঔষধতো ব্যৱহাৰ কৰা হয়। কাৰণ হালধিত কাৰকুমিন নামৰ এক শক্তিশালী এন্টিঅক্সিডেন্ট পোৱা যায়, যিয়ে শৰীৰৰ অক্সিডেটিভ চাপ আৰু প্ৰদাহ কমোৱাত সহায় কৰে।
কিন্তু শেহতীয়াকৈ হালধিৰ ওপৰত কৰা এক গৱেষণাত চাঞ্চল্যকৰ কথা পোহৰলৈ আহিছে। দৰাচলতে 'ছায়েন্স অৱ দ্য টোটেল এনভাইৰনমেণ্ট' আলোচনীত প্ৰকাশিত এক প্ৰতিবেদন অনুসৰি ভাৰতীয় হালধিত বিপজ্জনক সীহ অধিক মাত্ৰাত পোৱা গৈছে, যিটো স্বাস্থ্যৰ বাবে অতি ক্ষতিকাৰক বুলি জানিব পৰা গৈছে। ই মানৱ সম্পদৰ স্বাস্থ্যত কেনেদৰে নেতিবাচক প্ৰভাৱ পেলাব পাৰে সেই বিষয়ে জানো আহক।
শেহতীয়াকৈ হালধি সম্পৰ্কে Science of the Total Environment আলোচনীত প্ৰকাশিত এক তথ্য অনুসৰি ভাৰতৰ পাটনা, পাকিস্তানৰ কৰাচী আৰু পেছাৱৰৰ পৰা উৎপাদিত হালধিৰ নমুনাত বিপজ্জনকভাৱে সীহ অধিক মাত্ৰাত পোৱা গৈছে। FSSAIৰ মান অনুসৰি হালধিত ১০ মাইক্ৰ’গ্ৰাম/গ্ৰামতকৈ ২০০ গুণ বেছি সীহ পোৱা গৈছে। প্ৰতিবেদনটোত লগতে কোৱা হৈছে যে হালধিত সীহৰ উৎসত সীহ ক্ৰ’মেট, যিটো ৰং, প্লাষ্টিক, ৰবৰ আৰু চিৰামিক ব্যৱহাৰ কৰা হয়।
উল্লেখ্য যে বিশেষজ্ঞসকলৰ মতে সীহ হৈছে এনে এক ধাতু যিয়ে শৰীৰত কেলচিয়ামৰ দৰে কাম কৰে আৰু হাড়ত জমা হয়। অত্যধিক পৰিমাণৰ সীহ সেৱন কৰিলে বৃক্ক, হৃদযন্ত্ৰ আৰু মগজুত গুৰুতৰ প্ৰভাৱ পৰিব পাৰে। কেৱল এয়াই নহয়, হাৰ্টএটেক, কিডনী ফেইলাৰ আৰু ষ্ট্ৰোকৰ সম্ভাৱনাও বৃদ্ধি কৰিব পাৰে। সীহযুক্ত হালধি অধিক পৰিমাণে ব্যৱহাৰ কৰিলে শিশুৰ মগজুৰ বিকাশত বাধাৰ সৃষ্টি হোৱাৰ লগতে প্ৰাপ্তবয়স্ক লোকসকলৰ ভাগৰুৱা, উচ্চ ৰক্তচাপ আৰু পাচনতন্ত্ৰৰ সমস্যাৰ সৃষ্টি কৰিব পাৰে। বিশেষজ্ঞসকলৰ মতে সীহযুক্ত হালধিৰ পৰা নিজকে ৰক্ষা কৰিব বিচাৰে তেন্তে জৈৱিক হালধি ব্যৱহাৰ কৰা উচিত।
Continue Reading
