ডিজিটেল ডেস্ক: ডুমডুমা আৰক্ষী থানাৰ অন্তৰ্গত চুক্ৰেটিং ৮ নম্বৰ লাইনৰ পৰা এজন ১৪ বছৰীয়া কিশোৰ সন্ধানহীন হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। সন্ধানহীন ছাত্ৰজনৰ নাম দয়াল দে’। তেওঁ ডুমডুমা চুক্ৰেটিং ৮ নম্বৰস্থিত এ আৰ চি (ARC) কেন্দ্ৰীয় বিদ্যালয়ৰ নৱম শ্ৰেণীৰ ছাত্ৰ আছিল।
পৰিয়ালৰ সূত্ৰে জানিব পৰা মতে, দুলাল দে’ আৰু ৰিতা দে’ৰ একমাত্ৰ সন্তান দয়াল দে’ই কালি সন্ধিয়া আইপিএল (IPL)ৰ ফাইনেল মেচখন উপভোগ কৰাৰ উদ্দেশ্যে ঘৰৰ পৰা ওলাই গৈছিল। কিন্তু মেচ শেষ হোৱাৰ পিছতো কিশোৰজন ঘৰলৈ উভতি নাহিল। আত্মীয়-স্বজন তথা সম্ভাব্য সকলো স্থানতে বিচাৰ-খোচাৰ কৰা হয় যদিও বৰ্তমানলৈকে তেওঁৰ কোনো সম্ভেদ পোৱা হোৱা নাই।
পৰিয়ালৰ লোকে ইতিমধ্যে এই সন্দৰ্ভত ডুমডুমা আৰক্ষী থানাত এখন লিখিত এজাহাৰ দাখিল কৰিছে। আৰক্ষীয়ে ঘটনাৰ তদন্ত আৰম্ভ কৰিছে। একমাত্ৰ সন্তানটি নিৰুদ্দেশ হোৱাৰ পিছতে পৰিয়ালটো শোকত ভাগি পৰিছে।
কোনো লোকে যদি এই ছাত্ৰজনৰ কিবা সন্ধান পায়, তেন্তে পলম নকৰি পৰিয়ালৰ 9394219486 এই নম্বৰত অথবা স্থানীয় আৰক্ষীৰ সৈতে যোগাযোগ কৰিবলৈ কাতৰ আহ্বান জনোৱা হৈছে। আপোনাৰ এটা সৰু সহযোগিতাই এটি অসহায় পৰিয়াললৈ হাঁহি ঘূৰাই আনিব পাৰে।
Continue Reading
