নিষিদ্ধ আতচবাজী ব্যৱহাৰৰ ক্ষেত্ৰত কঠোৰ উচ্চতম ন্যায়ালয়

গুৱাহাটী : পোহৰৰ উৎসৱ দেৱালী সমাগত৷ এই সময়ছোৱাত নিষিদ্ধ আতচবাজী বিক্ৰী, প্ৰস্তুত তথা ব্যৱহাৰ ৰোধ কৰিবলৈ শুকুৰবাৰে সকলো ৰাজ্য আৰু কেন্দ্ৰীয় শাসিত অঞ্চলক দেশৰ সৰ্বোচ্চ আদালতে যাৱতীয় নিৰ্দেশনা মানিবলৈ সকীয়াই দিছে।

উৎসৱ উদযাপনৰ নামত আইন ভংগ কৰিব নোৱাৰিব। যদিহে এই নিৰ্দেশনা পালনত ব্যৰ্থ হয় তেতিয়া সংশ্লিষ্ট ৰাজ্যৰ মুখ্য সচিব, আৰক্ষী আয়ুক্ত, আৰক্ষী অধীক্ষক বা আৰক্ষী বিষয়াসকলে ব্যক্তিগতভাৱে দায়িত্ব ল’ব লাগিব। ন্যায়াধীশ এম আৰ শ্বাহ আৰু এ এছ বোপান্নাৰ খণ্ড বিচাৰপীঠে জনায় যে আদালতে যি নিৰ্দেশ দিছে সেয়া কোনেও ভংগ কৰিব নোৱাৰিব।

উল্লেখ্য যে সকলোধৰণৰ আতচবাজী নিষিদ্ধ নহয়। উৎসৱৰ সময়ত গ্ৰীণ আতচবাজী ব্যৱহাৰ কৰিব পাৰিব বুলি জানিবলৈ দিয়ে৷ ইপিনে, এনে নিৰ্দেশৰ মাজতে দিল্লীত প্ৰদূষণ ৰোধৰ বাবে অহা ১ জানুৱাৰীলৈকে গ্ৰীণ আতচবাজীকে ধৰি সকলোধৰণৰ আতচবাজী নিষিদ্ধ কৰা হৈছে। ক'ভিডৰ বাবে উৰিষ্যাতো সকলোধৰণৰ আতচবাজীৰ ব্যৱহাৰ নিষিদ্ধ কৰা হৈছে।