নিউজ চেনেলৰ টেলিকাষ্ট নিষিদ্ধ; কেন্দ্ৰীয় চৰকাৰৰ বিৰুদ্ধে উচ্চ ন্যায়ালয়ৰ দ্বাৰস্থ সাংবাদিক

ডিজিটেল ডেস্ক : কেন্দ্ৰীয় চৰকাৰৰ শেহতীয়া সিদ্ধান্তৰ বিৰুদ্ধে উচ্চ ন্যায়ালয়ৰ কাষ চাপিছে সাংবাদিকৰ দল৷ কৰ্মৰত সাংবাদিকৰ এটা ট্ৰেড ইউনিয়ন, ‘মিডিয়া ৱান’ৰ সম্পাদক আৰু ইয়াৰ কেইগৰাকীমান কৰ্মচাৰীয়ে মালায়ালম নিউজ চেনেলৰ টেলিকাষ্ট নিষিদ্ধ কৰাৰ বিৰুদ্ধে কেৰালা উচ্চ ন্যায়ালয়ৰ দ্বাৰস্থ হৈছে। উল্লেখ্য যে, কেৰালা ইউনিয়ন অৱ ৱৰ্কিং জাৰ্নালিষ্ট (কে ইউ ডব্লিউ জে)ৰ প্ৰমোদ ৰমন, মেডিয়াৱানৰ সম্পাদক আৰু চেনেলটোৰ কিছু কৰ্মচাৰীয়ে কেন্দ্ৰৰ ৩১ জানুৱাৰীৰ সিদ্ধান্তৰ বিৰুদ্ধে উচ্চ ন্যায়ালয়ত দুখন পৃথক আৱেদন দাখিল কৰিছিল। উচ্চ ন্যায়ালয়ে, ৩ ফেব্ৰুৱাৰীত, ‘মিডিয়া ৱান’ পৰিচালনা কৰা চেনেলটোৰ টেলিকাষ্টত থকা বাৰটোৰ বিপৰীতে ‘মধ্যমাম ব্ৰডকাষ্টিং লিমিটেড’ৰ দ্বাৰা পূৰ্বে দাখিল কৰা আৱেদনৰ সৈতে তালিকাভুক্ত কৰিছিল৷ উচ্চ ন্যায়ালয়ে ২ ফেব্ৰুৱাৰীত গোচৰৰ শুনানি গ্ৰহণ কৰি কেন্দ্ৰৰ সিদ্ধান্ত ৭ ফেব্ৰুৱাৰীলৈকে স্থগিত ৰাখিছিল৷ লগতে নিউজ চেনেলটোক ক্ষেত্ৰত গ্ৰহণ কৰা সিদ্ধান্ত সম্পৰ্কীয় তথ্য প্ৰদানৰ বাবে কেন্দ্ৰীয় গৃহ মন্ত্ৰণালয়ক আহ্বান জনাইছিল। কেইউডব্লিউজে আৰু ‘মিডিয়া ৱান’ সাংবাদিকসকলে উচ্চ ন্যায়ালয়ৰ সন্মুখত কেন্দ্ৰৰ সিদ্ধান্ত বাতিল কৰিবলৈ আহ্বান জনাইছে৷ নহ'লে চেনেলটোত কৰ্মৰত হৈ থকা শ শ কৰ্মচাৰীয়ে জীৱিকাৰ পৰা বঞ্চিত হ'ব।