নিয়মীয়াকৈ ড্ৰাগছ লৈছিল শ্বাহৰুখৰ পুত্ৰই! কি ওলাল হোৱাটছএপত?

ডিজিটেল ডেস্ক : ড্ৰাগছ কাণ্ডই পুনৰ জোকাৰিছে বলীউড। বলীউডৰ বাদশ্বাহ শ্বাহৰুখ খানৰ পুত্ৰ আৰিয়ান খান নাৰ্কোটিক্স কণ্ট্ৰোল ব্যুৰোৰ জালত পৰাৰ পাছত মায়ানগৰীৰ ড্ৰাগছ কাণ্ডই নতুন চাঞ্চল্য সৃষ্টি কৰিছে। এখন বিলাসী জাহাজত চলি থকা পাৰ্টীত আকস্মিক তালাচী চলাই আৰক্ষীয়ে আটক কৰিছিল আৰিয়ানসহ আঠজনক। এই আঠজনৰ লগতে আৰিয়ানক জেৰা কৰাৰ পাছত এতিয়া আটাইকেইজনকে গ্ৰেপ্তাৰৰ সম্ভাৱনা বৃদ্ধি পাইছে।

আৰিয়ান খানে জেৰাত তেওঁৰ নিৰ্দোষিতা দাবী কৰিলেও তেওঁ নিয়মীয়াকৈ ড্ৰাগছ সেৱন কৰাৰ চাঞ্চল্যকৰ তথ্য পোহৰলৈ আহিছে এনচিবিৰ তদন্তত। শ্বাহৰুখপুত্ৰৰ ফোন স্কেন কৰাত তেওঁৰ হোৱাটছএপৰ পৰা এনচিবিৰ বিষয়াই চাঞ্চল্যকৰ তথ্য লাভ কৰিছে। সংবাদ মাধ্যমত প্ৰকাশ পোৱা মতে হোৱাটএছএপ যোগে আৰিয়ানে নিয়মীয়াকৈ ড্ৰাগছ সৰবৰাহকাৰীৰে যোগাযোগ ৰাখিছিল আৰু নিয়মীয়াকৈ ড্ৰাগছ অৰ্ডাৰ কৰিছিল। এই তথ্য লাভৰ পাছতে আৰিয়ানক গ্ৰেপ্তাৰৰ সম্ভাৱনা অধিক প্ৰকট হৈ পৰিছে। আৰিয়ান খানৰ উপৰি মুনমুন ধামেচা, নুপুৰ ছাৰিকা, ইছমীট সিং, মোহক জেছৱাল, বিক্ৰান্ত চোকাৰ, গোমিত চোপ্ৰা আৰু আৰবাজ মাৰ্চেণ্টক আটক কৰি জেৰা চলাই আছে আৰক্ষীয়ে।