ডিজিটেল ডেস্ক: নতুন বছৰৰ প্ৰথম দিনাও অব্যাহত হাৰিয়ানা পঞ্জাৱত কৃষকৰ অবিৰত আন্দোলন আৰু অনশন৷ কৃষকৰ প্ৰৱল প্ৰতিবাদৰ মাজতে মোদী চৰকাৰে কৃষকৰ স্বাৰ্থত গ্ৰহণ কৰিছে কিছু গুৰুত্বপূৰ্ণ সিদ্ধান্ত। কেন্দ্ৰীয় কেবিনেটে আজি প্ৰধানমন্ত্ৰী ফোছাল বীমা যোজনা ২০২৫-২৬ চনলৈ অব্যাহত ৰখাৰ সিদ্ধান্ত গ্ৰহণ কৰে আৰু ডি এ পি (ডাই-এমোনিয়াম ফছফেট) সাৰৰ মূল্যবৃদ্ধিৰ প্ৰতি আশংকা কৰি ৩৮৫০ কোটি চকাৰ অনুমোদন জনাইছে যাতে ৫০ কেজিৰ ডি এ পি সাৰৰ দাম পূৰ্বৰ দৰেই ১৩৫০ টকাতে উপলব্ধ হয়।
এই সিদ্ধান্ত গ্ৰহণ কৰি প্ৰধানমন্ত্ৰী নৰেন্দ্ৰ মোদীয়ে দাবী কৰে যে তেওঁৰ চৰকাৰ কৃষকৰ কল্যাণৰ বাবে দায়বদ্ধ। প্ৰশ্ন উত্থাপন হৈছে যে এনে পৰিস্থিতিত পঞ্জাৱ, হাৰিয়ানাৰ কৃষকসকলে কিয় শস্যৰ নূন্যতম মূল্যৰ বাবে অহৰহ আন্দোলন কৰি আছে? কৃষক নেতা জগজিৎ সিং দলেৱালে অমৰণ অন্নশনত নামিছে।
৪ জানুৱাৰীত পঞ্জাৱ-হাৰিয়ানা সীমান্তত কিষাণ মহাপঞ্চায়তৰ আহ্বান কৰিছে কৃশক সকলে। কেন্দ্ৰীয় কৃষি মন্ত্ৰী শিৱৰাজ সিং চৌহানে যুক্তি আগবঢ়ায় যে উচ্চতম ন্যায়ালয়ে যিদৰে পৰামৰ্শ আগবঢ়াইছিলে তেনেদৰেই কাম কৰিব। তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱৰ এই সন্দৰ্ভত মত প্ৰকাশকৰি কয় যে হাৰিয়ানাৰ নিৰ্বাচনত বিজেপিৰ বিজয়ে দেখুৱাইছে যে চৰকাৰী আঁচনিত কৃষকসকল কিমান সুখী।
কেন্দ্ৰীয় কেবিনেটে আজি ২০২৫-২৬ চনলৈকে শস্য বীমা অব্যাহত ৰখাৰ সিদ্ধান্ত গ্ৰহণ কৰি, বিত্ত আয়োগৰ পৰামৰ্শ অনুসৰি ইয়াৰ বাবে মুঠ ৬৯,৫১৫ কোটি টকা আবণ্টন দিয়ে। অৱশ্যে ২০২৬ চনৰ পাছতো শস্য বীমা আঁচনি অব্যাহত থাকিব বুলি কৃষি মন্ত্ৰীগৰাকীয়ে সদৰি কৰে। প্ৰযুক্তিৰ ব্যৱহাৰৰ বাবে ৮২৪ কোটি টকাৰ তহবিল তৈয়াৰ কৰাৰ সিদ্ধান্ত লোৱা হৈছে যাতে কৃষকসকলে শস্য বীমাৰ অধীনত ক্ষতিপূৰণৰ ধন ক্ষিপ্ৰতাৰে লাভ কৰে আৰু ধন বিতৰণৰ ক্ষেত্ৰত স্বচ্ছতা বৰ্তি থকে।
Continue Reading
