ডিজিটেল ডেস্ক : জনপ্ৰিয় টিকটক ষ্টাৰ আলী আবুলবানে হত্যা কৰিলে পত্নীক। পত্নীৰ উপৰি পত্নীৰ বন্ধুক হত্যা কৰি জেলত বন্দী হ'ল আলী আবুলাবান। আলী আবুলাবান 'JinnKid' নামেৰে অতি জনপ্ৰিয়। ছ'চিয়েল মিডিয়াত তেওঁৰ ১০লাখতকৈও অধিক ফ'লোৱাৰ্ছ আছে। আমেৰিকাৰ ছান ডিয়েগো নিবাসী ২৯বৰ্ষীয় আলী আবুলাবানে অন্য পুৰুষৰ সৈতে সন্দেহ কৰি গুলীয়াই হত্যা কৰিলে ২৮ বছৰীয়া পত্নী এনা আবুলাবানাক। পত্নী এনাৰ বন্ধু ২৯ বছৰীয়া কেডেনেছ বৰৌনকো গুলীয়াই হত্যা কৰে টিকটক ষ্টাৰজনে। পত্নী এনা আৰু কেডেনেছৰ মাজত প্ৰেমৰ সম্পৰ্ক আছিল বুলি বহুদিনৰ পৰা সন্দেহ কৰি আছিল আলী আবুলাবানে।
এনাই বন্ধু কেডেনেছৰ সৈতে অধিক আত্মীয়তা গঢ়ি তোলাত সহ্য কৰিব নোৱাৰি হত্যাকাণ্ড সংঘটিত কৰা বুলি আৰক্ষীৰ আগত স্বীকাৰ কৰিছে আলীয়ে। হত্যাকাণ্ড কৰিয়েই নিজ কন্যাক লৈ ঘৰৰ পৰা বহু দূৰলৈ গুচি গৈছিল আলী। কিন্তু অতি সোনকালেই আৰক্ষীৰ জালত পৰিল টিকটক ষ্টাৰগৰাকী। বৰ্তমান আলীৰ কন্যাক তেওঁৰ পৰা দূৰত ৰাখিবলৈ আদেশ দিছে আদালতে। আলী আবুলাবানৰ কন্যাৰ দায়িত্ব পৰিয়ালৰ মানুহক অৰ্পণ কৰা হৈছে।
আৰু পঢ়কঃ ‘দো ফুল এক মালী’!এজন যুৱকক লৈ দুই যুৱতীৰ মাজত প্ৰচণ্ড মাৰপিট, ক’ত?
টিকটকাৰ আলীৰ বিৰুদ্ধে বহু আগৰে পৰা আছিল ঘৰুৱা হিংসাৰ অভিযোগ। পত্নী এনাই ঘৰুৱা হিংসাৰ বিৰুদ্ধে আৰক্ষীৰ থানাত এজাহাৰো দাখিল কৰিছিল। এনাই অতি সোনকালে আলী আবুলাবানৰ সৈতে বিবাহ বিচ্ছেদ কৰাৰো চিন্তা-চৰ্চা কৰি আছিল কিন্তু তাৰ আগতেই একেবাৰে পৃথিৱীৰ পৰাই পত্নীক বিদায় দিলে জঘন্য মানসিকতাৰ আলী আবুলাবানে।দুজনকৈ লোকৰ প্ৰাণ কাঢ়ি কোনো অনুশোচনাত ভোগা বা অনুতপ্ত হোৱা নাই বুলি আৰক্ষীক জনাইছে আলীয়ে। দুজনকৈ লোকক হত্যা কৰাৰ অভিযোগত অভিযুক্ত আলী আবুলাবানক আদালতে মৃত্যুদণ্ডৰ শাস্তি বিহাৰ যথেষ্ট সম্ভাৱনা আছে।
Continue Reading
