অৰ্ধ-উলংগ হৈ অসমীয়া যুৱ-মঞ্চৰ প্ৰতিবাদী কাৰ্যসূচী, কি দাবী সংগঠনটোৰ?

লখিমপুৰঃ লখিমপুৰত অসমীয়া যুৱ-মঞ্চই অৰ্ধ উলংগ হৈ প্ৰতিবাদী কাৰ্যসূচী গ্ৰহণ কৰিছে। ‘পাভ সংৰক্ষিত বনাঞ্চল’ৰ অবৈধ বেদখলকাৰীসকলক উচ্ছেদ কৰাৰ দাবীত সংগঠনটোৱে প্ৰতিবাদী কাৰ্যসূচী গ্ৰহণ কৰা বুলি আমাৰ সংবাদদাতাই জনাইছে।

লখিমপুৰ পাভ সংৰক্ষিত বনাঞ্চলত বসবাস কৰা অবৈধ বিদেশীক বহিষ্কাৰ আৰু বেদখলমুক্ত কৰাৰ দাবীত অৰ্ধ-উলংগ হৈ লখিমপুৰ নগৰৰ মুখ্য চাৰিআলিত তীব্ৰ প্ৰতিবাদী কাৰ্যসূচী সাব্যস্ত কৰে ‘অসমীয়া যুৱ মঞ্চ’ই। অসমীয়া যুৱ-মঞ্চৰ লখিমপুৰ জিলা সমিতিৰ উদ্যোগত হোৱা প্ৰতিবাদী কাৰ্যসূচীৰ জৰিয়তে লখিমপুৰ জিলা প্ৰশাসনক দাবী জনায় যে, অতিশীঘ্ৰে পাভ বনাঞ্চলৰ চাৰিশ হেক্টৰ ভূমিত নিৰ্মাণ কৰা বাসগৃহসমূহ ভাঙি বেদখলমুক্ত কৰিব লাগে, অন্যথা প্ৰতিবাদ আৰু তীব্ৰতৰ হ’ব বুলি হুংকাৰ প্ৰদান কৰে সংগঠনটোৱে।