সিদ্ধু পৰাস্ত হোৱাত ভয়ত কঁপিছে নেকি অৰ্চনা? এই ভয়ৰ কাৰণ কি?

ডিজিটেল ডেস্কঃ ২০২২ চনৰ পঞ্জাৱ বিধানসভা নিৰ্বাচনত পৰাজয়ৰ সন্মুখীন হল নৱজ্যোত সিং সিদ্ধু। আম আদমী পাৰ্টিৰ প্ৰাৰ্থী জীৱনজ্যোত কৌৰে পৰাস্ত কৰে নৱজ্যোত সিং সিদ্ধুক। নৱজ্যোত পৰাস্ত হোৱাৰ পাছতেই ছ'চিয়েল মিডিয়াত ট্ৰেণ্ডিং হৈছে অৰ্চনা পূৰণ সিং! কিন্তু কিয়? দৰাচলতে অনুৰাগীসকলে অৰ্চনা পুৰাণ সিঙক উদ্দেশ্যি কৰা কিছুমান ধেমেলীয়া মন্তব্য টুইটাৰত ভাইৰেল হৈ আছে। অনুৰাগীসকলে কৈছে যে, সিদ্ধুৰ পৰাজয়ৰ পাছত অৰ্চনাই আসন হেৰুওৱাৰ আশংকাত ভুগিছে।সিদ্ধু পৰাস্ত হোৱাত ভয়ত কঁপিছে অৰ্চনা। এসময়ত কপিল শৰ্মাৰ শ্বোৰ বিশেষ অতিথিৰ আসনত বহিছিল নৱজ্যোৎ সিং সিদ্ধু। দৰ্শকে তেওঁৰ ৰসিকতাত মুগ্ধও হৈছিল। তাৰমাজতে হঠাৎ কপিল শৰ্মাৰ শ্ব' এৰি ৰাজনীতিলৈ ঢাপলি মেলে সিদ্ধু। কিছুমানে কয় যে পুলৱামা সন্ত্ৰাসবাদী আক্ৰমণ সন্দৰ্ভত কিছু বিপৰীত বক্তব্য দিয়াৰ পাছত সিদ্ধুক কপিলৰ অনুষ্ঠানৰ পৰা আঁতৰাই দিয়া হয়। তেওঁৰ সেই আসনত বহে অৰ্চনা পূৰণ সিং। অৰ্চনাক ২০১৯ চনত 'দ্য কপিল শৰ্মা শ্ব'ত নৱজ্যোত সিং সিদ্ধুৰ সলনি আসন দিয়া হয়। সিদ্ধু পৰাজিত হোৱাৰ পাছত অৰ্চনাক লৈ বিভিন্ন মিম শ্বেয়াৰ কৰা হৈছে। সকলোৱে কৈছে যে এইবাৰ অৰ্চনাৰ আসন গ’ল! কিয়নো সিদ্ধু এইবাৰ ঘুৰি আহিব কপিল শৰ্মাৰ শ্বো-লৈ।ইয়াৰ পূৰ্বে পঞ্জাৱ প্ৰদেশ কংগ্ৰেছৰ সভাপতি পদৰ পৰা সিদ্ধুৱে পদত্যাগ কৰাৰ সময়তো একেধৰণে অৰ্চনাকলৈ ছ'চিয়েল মিডিয়াত সৰস চৰ্চা চলিছিল। অৰ্চনাক এই সন্দৰ্ভত সুধোতে কয় যে "মোক বহু বছৰ ধৰি এনে কৌতুকৰ দ্বাৰা আঘাত কৰা হৈছে, কিন্তু মই ইয়াক গুৰুত্ব সহকাৰে লোৱা নাই বা কেতিয়াও নলওঁ। যদি সিদ্ধুৱে অনুষ্ঠানটোলৈ ঘূৰি আহিব বিচাৰে তেন্তে আহিব পাৰে। মোৰ ওচৰত আন বহুতো কাম আছে যিবোৰ মই যোৱা কেইবামাহত প্ৰত্যাখ্যান কৰিছোঁ।" আৰু পঢ়কঃ ”চে’ক হত্যা কৰাটো মোৰ জীৱনৰ আটাইতকৈ বেয়া মুহূৰ্ত”! চে’ গুৱেভাৰাক হত্যা কৰা সেনাৰ মৃত্যু