অ’মিক্ৰনত আক্ৰান্ত প্ৰথমগৰাকী লোকৰ মৃত্যু

ডিজিটেল ডেস্কঃ ক’ভিড-১৯ৰ নতুন প্ৰকাৰ অ’মিক্ৰনে বিশ্বজুৰি চাঞ্চল্য অব্যাহত ৰাখিছে৷ এনে চাঞ্চল্য আৰু উদ্বিগ্নতাৰ মাজতে আহিছে মৃত্যুৰ খবৰ৷ ইংলেণ্ডত বিশ্বৰ প্ৰথমগৰাকী অ’মিক্ৰন আক্ৰান্তৰ মৃত্যু হৈছে৷ ইংলেণ্ডৰ প্ৰধানমন্ত্ৰী বৰিশ জনছনে সদৰি কৰিছে এই তথ্য৷

পশ্চিম লণ্ডনৰ পেডিংটনৰ ওচৰত এটা টীকাকৰণ ক্লিনিক ভ্ৰমণৰ সময়ত প্ৰধানমন্ত্ৰী বৰিছ জনছনে কয় যে ক’ৰনা ভাইৰাছৰ নতুন প্ৰকাৰ অ’মিক্ৰনত আক্ৰান্ত হৈ ইংলেণ্ডত এজন লোকৰ মৃত্যু হৈছে৷ দেওবাৰে নিশা প্ৰধানমন্ত্ৰীগৰাকীয়ে দূৰদৰ্শনৰ এক জৰুৰী ভাষণত সতৰ্ক কৰি দিছিল যে অতি দ্ৰুতগতিত সংক্ৰমণ বৃদ্ধি কৰা ক’ভিডৰ এই নতুন প্ৰকাৰৰ অন্য এক ঢৌ আহিবলৈ ধৰিছে৷

উল্লেখযোগ্য যে, ভাৰততো বিয়পি পৰিছে অ’মিক্ৰন৷ ভাৰতৰ ছয়খন ৰাজ্যৰ ৩৮গৰাকী লোক আক্ৰান্ত হৈছে ক’ভিডৰ এই নতুন প্ৰকাৰত৷ অ’মিক্ৰন ৰোধ কৰিবলৈ যৎপৰোনাস্তি চেষ্টা অব্যাহত ৰাখিছে কেন্দ্ৰীয় চৰকাৰে৷