ভোকৰ ভাত যোগাৰ কৰিবলৈ টেক্সি চলাইছিল ৰাছিয়াৰ ৰাষ্ট্ৰপতি ভ্লাডিমিৰ পুটিনে

ডিজিটেল ডেস্কঃ ৰাছিয়াৰ ৰাষ্ট্ৰপতি ভ্লাডিমিৰ পুটিনৰ জীৱন বহু সংগ্ৰামপূৰ্ণ আছিল। নাম, যশ, প্ৰতিপত্তিৰে এতিয়া তেওঁৰ জীৱন পৰিপূৰ্ণ হলেও এটা সময়ত তেওঁ যে বহুত সংঘাতৰ সন্মুখীন হৈছিল। ভ্লাডিমিৰ পুটিনে ‘ৰাছিয়া: নিউ হিষ্ট্ৰী’ নামৰ এখন তথ্যচিত্ৰত ব্যক্তিগত জীৱনৰ কথা সদৰী কৰিছে। ইয়াৰ পাছতেই ৰাছিয়াৰ ৰাষ্ট্ৰপতিগৰাকীৰ জীৱনক লৈ বিশ্বজুৰি চৰ্চা আৰম্ভ হৈছে। ‘ৰাছিয়া: নিউ হিষ্ট্ৰী’ শীৰ্ষক তথ্যচিত্ৰত ভ্লাডিমিৰ পুটিনে ১৯৯১ চনত ছোভিয়েট ইউনিয়নৰ পতনক ঐতিহাসিক ৰাছিয়াৰ মৃত্যু বুলি আখ্যা দি দুখ প্ৰকাশ কৰিছে।

ছোভিয়েট ৰাছিয়াৰ পতনৰ পাছত তেওঁৰ ব্যক্তিগত জীৱন কিমান দুৰ্দশাৰ সন্মুখীন হৈছিল সেই কথা খুব সুন্দৰকৈ বৰ্ণনা কৰিছে ৰাছিয়াৰ ৰাষ্ট্ৰপতিগৰাকীয়ে। ৰাষ্ট্ৰপতি পুটিনে কয় যে ছোভিয়েট ইউনিয়নৰ পতনৰ পাছত আৰ্থিক সংকটত পৰি তেওঁ টেক্সি চলাই ভোকৰ ভাত যোগাৰ কৰিবলগীয়া হৈছিল।

উল্লেখ্য যে ৰাছিয়াৰ ৰাষ্ট্ৰপতি ভ্লাদিমিৰ পুটিন বিশ্বৰ অন্যতম শক্তিশালী নেতা। এসময়ত তেওঁ টকা উপাৰ্জন কৰিবলৈ টেক্সি চালক হৈ পৰা কখাটোৱে জীৱন বাটত সংগ্ৰাম কৰি আগবাঢ়ি যাবৰ বাবে বহুতকে অনুপ্ৰাণিত কৰিছে। নিজৰ ব্যক্তিগত জীৱন বিশ্বৰ পৰা লুকুৱাই ৰখা পুটিনে এই তথ্যচিত্ৰত তেওঁৰ জীৱন সম্পৰ্কীয় বহুতো ৰহস্য প্ৰকাশ কৰিছে।