ডিজিটেল ডেস্কঃ সোমবাৰে (১০ এপ্ৰিল) অৰুণাচল প্ৰদেশ ভ্ৰমণলৈ গৈছে কেন্দ্ৰীয় গৃহমন্ত্ৰী অমিত শ্বাহ। অমিত শ্বাহৰ এই ভ্ৰমণক লৈ আপত্তি প্ৰকাশ কৰিছে চীনে। চীনৰ বৈদেশিক মন্ত্ৰীৰ এগৰাকী মুখপাত্ৰই কয় যে ই সীমান্ত অনুকূল নহয়, গৃহমন্ত্ৰীৰ ভ্ৰমণে চীনৰ ভূখণ্ডৰ সাৰ্বভৌমত্ব উলংঘা কৰিছে আৰু চীনে ইয়াৰ বিৰোধিতা কৰিছে কাৰণ জাংনানৰ অঞ্চলটো চীনৰ ভূখণ্ড।
ইয়াৰ পূৰ্বে আজি কেন্দ্ৰীয় গৃহমন্ত্ৰী অমিত শ্বাহ অসমৰ ডিব্ৰুগড়ত উপস্থিত হয়। য'ত মুখ্যমন্ত্ৰী হিমন্ত বিশ্ব শৰ্মাই তেওঁক আদৰণি জনায়। ইয়াৰ পৰা অমিত শ্বাহ অৰুণাচল প্ৰদেশলৈ যায় য’ত তেওঁ ভাৰত-চীন সীমান্তৰ কিবিথু নামৰ এখন গাঁওত ‘ভাইব্ৰেণ্ট ভিলেজ প্ৰগ্ৰেম’ আৰম্ভ কৰিব। এইবছৰৰ বাজেটত কেন্দ্ৰীয় চৰকাৰে ঘোষণা কৰিছিল এই ভাইব্ৰেণ্ট ভিলেজ প্ৰগ্ৰেম। উল্লেখযোগ্য যে কিবিথু গাঁৱৰ পৰা মাত্ৰ এক কিলোমিটাৰ দূৰত্বত চীনৰ সীমান্ত।
শনিবাৰে গৃহ পৰিক্ৰমা মন্ত্ৰালয়ে প্ৰকাশ কৰা এক বিবৃতিত কোৱা হৈছে যে প্ৰধানমন্ত্ৰী মোদীৰ নেতৃত্বত ভাৰত চৰকাৰে ২০২২-২৩ বিত্তীয় বৰ্ষৰ বাবে ৪৮০০ কোটি টকাৰ কেন্দ্ৰীয় আবণ্টনৰে ‘ভাইব্ৰেণ্ট ভিলেজ প্ৰগ্ৰেম’ নামৰ এক আৰম্ভ কৰিছে য’ত পথ সংযোগৰ বাবে বিশেষভাৱে ২,৫০০ কোটি টকা নিৰ্ধাৰণ কৰা হৈছে৷
ভিভিপি হৈছে কেন্দ্ৰই পৃষ্ঠপোষকতা কৰা আঁচনি, যাৰ অধীনত উত্তৰৰ সীমান্তৱৰ্তী ৰাজ্য অৰুণাচল প্ৰদেশ, ছিকিম, উত্তৰাখণ্ড আৰু হিমাচল প্ৰদেশ আৰু কেন্দ্ৰীয় শাসিত অঞ্চল লাডাখৰ ১৯খন জিলাৰ ৪৬টা ব্লকত সৰ্বাংগীন উন্নয়নৰ বাবে ২৯৬৭খন গাঁও চিনাক্ত কৰা হৈছে।
তাৎপৰ্যপূৰ্ণভাৱে ২০২০ চনত লাডাখৰ গালৱানত সংঘটিত হোৱা সংঘৰ্ষৰ পিছত চীন আৰু ভাৰতৰ জোৱানৰ মাজত অচলাৱস্থাৰ সৃষ্টি হৈছে। যোৱা বছৰো ডিচেম্বৰ মাহত অৰুণাচল প্ৰদেশৰ টাৱাং ছেক্টৰত ভাৰত আৰু চীনৰ জোৱানৰ মাজত সংঘৰ্ষ হৈছিল।
Continue Reading
