অন কেমেৰাত টুৰ্ণামেণ্টৰ সময়ত কাবাডী খেলুৱৈক গুলীয়াই হত্যা ! চাওক ভিডিঅ'

ডিজিটেল ডেস্ক : সোমবাৰে পঞ্জাৱৰ জলন্ধৰত অনুষ্ঠিত কাবাডী টুৰ্ণামেণ্টৰ সময়ত আন্তঃৰাষ্ট্ৰীয় পৰ্যায়ৰ কাবাডী খেলুৱৈ সন্দীপ সিং নাংগল আম্বিয়ানক গুলীয়াই হত্যা কৰা হয় বুলি আৰক্ষীয়ে জানিবলৈ দিয়ে। মৃত্যুৰ সময়ত তেওঁৰ বয়স আছিল ৪০ বছৰ। এই ঘটনাৰ পাছতে সন্দীপক লগে লগে এখন চিকিৎসালয়লৈ লৈ যোৱা হয় যদিও চিকিৎসকে তেওঁক মৃত বুলি ঘোষণা কৰে। আৰক্ষীয়ে জনোৱা মতে সন্দীপ নাকোদাৰৰ মলিয়ান খুৰ্দ গাঁৱত প্ৰতিযোগিতাৰ স্থানৰ পৰা ওলাই অহাৰ সময়তে চাৰিজন লোকে তেওঁৰ ওপৰত গুলীচালনা কৰিছিল। [playlist type="video" ids="137948"] তেওঁলোকে সন্দেহ কৰিছে যে কাবাডী খেলুৱৈজনক লক্ষ্য কৰি আঠৰ পৰা ১০ টা গুলীবৰ্ষণ কৰা হৈছিল। এই হত্যাকাণ্ডটোৰ এটা ভিডিঅ' এতিয়া সামাজিক মাধ্যমত বহুলভাৱে প্ৰচাৰিত হৈছে। ভিডিঅ'টোত, কিছুমান লোকক গছৰ মাজত থিয় হৈ থকা দেখা গৈছে যদিও সেয়া দৃশ্যমান হোৱা নাই। জলন্ধৰ (গ্ৰাম্য) উপ আৰক্ষী অধীক্ষক (নকোদাৰ) লাখৱিন্দৰ সিঙে কৈছে যে খেলুৱৈজন শ্বাহকোটৰ নাংগল আম্বিয়ান গাঁৱৰ৷ অৱশ্যে তেঁও বৰ্তমান ইংলেণ্ডৰ বাসিন্দা৷ উল্লেখ্য যে তেওঁৱে গাওঁখনত কাবাডী টুৰ্ণামেণ্ট আয়োজন কৰিছিল।