অন্ধকাৰত জনতা! ৩৬ ঘন্টা বন্ধ বিদ্যুৎ সেৱা

ডিজিটেল ডেস্ক : ৩৬ ঘন্টাৰ বাবে বিদ্যুৎ আৰু পানীৰ অভাৱত কটালে চণ্ডীগড়ৰ জনতাই৷ বিধানসভা নিৰ্বাচনৰ বতৰৰ মাজতে তিনিদিনীয়া কৰ্মবিৰতিৰ ঘোষণা কৰিছিল বিদ্যুৎ বিভাগৰ কৰ্মচাৰীয়ে৷ তাৰ ফলস্বৰূপে সোমবাৰৰ পৰা সহস্ৰাধিক লোকে আন্ধাৰৰ মাজত কটাবলগা হয় সময়৷ সোমবাৰে সন্ধিয়াৰ পৰা এই প্ৰতিবাদৰ ফলস্বৰূপে চহৰখনত পানীৰ সমস্যাৰ উপৰি চিকিৎসালয়, ট্ৰেফিক চিগনেল আদিতো ব্যাঘাত জন্মে৷ এই কৰ্মবিৰতিত ফলত বন্ধ হৈ পৰে কোচিং প্ৰতিষ্ঠানৰ লগতে অনলাইন শিক্ষা ব্যৱস্থাও৷ উল্লেখ্য, বিদ্যুৎ বিভাগৰ কৰ্মচাৰীয়ে ৰাজ্যখনত বিদ্যুৎ বিভাগ ব্যক্তিগতকৰণৰ বিৰুদ্ধে এই প্ৰতিবাদ সাব্যস্ত কৰিছিল৷ প্ৰতিবাদকাৰী কৰ্মচাৰীসকলে আশংকা কৰিছে যে ব্যক্তিগতকৰণে তেওঁলোকৰ কামৰ চৰ্তাৱলী সলনি কৰিব আৰু বিদ্যুতৰ শুল্কও বৃদ্ধি কৰিব। বিদ্যুৎ কৰ্মীসকলে বিদ্যুৎ বিভাগৰ ব্যক্তিগতকৰণৰ বিৰুদ্ধে প্ৰতিবাদ কৰিছে। কেন্দ্ৰীয়শাসিত অঞ্চলৰ উপদেষ্টা ধৰম পালে ক্ষমতাশালী সংঘৰ সৈতে এক বৈঠকযোগে তেওঁলোকক ধৰ্মঘট প্ৰত্যাহাৰ কৰিবলৈ আহ্বান জনাই যদিও বৰ্তমানেও কোনো সমাধান হোৱা নাই। মঙলবাৰে সন্ধিয়া, চণ্ডীগড় প্ৰশাসনে অত্যাৱশ্যকীয় সেৱা তত্বাৱধান আইন বলবৎ কৰি বিদ্যুৎ বিভাগৰ দ্বাৰা ছমাহৰ বাবে ধৰ্মঘট নিষিদ্ধ কৰে। চণ্ডীগড় প্ৰশাসনৰ বিষয়াসকলে দাবী কৰিছিল যে তেওঁলোকে বিদ্যুৎ যোগান বজাই ৰখাৰ ব্যৱস্থা কৰিছিল৷ কিন্তু চহৰখনৰ বহুতো অঞ্চলৰ বাসিন্দা আৰু ব্যৱসায়ীসকলে বিভ্ৰান্তিৰ অভিযোগ কৰিছিল। বিদ্যুৎ কৰ্তনৰ ফলত চহৰখনৰ কিছুমান গোটত ঔদ্যোগিক উৎপাদন আৰু উৎপাদনো ক্ষতিগ্ৰস্ত হৈছে।