ডিজিটেল ডেস্ক :‘অনলাইন গেমিঙৰ প্ৰচাৰ আৰু নিয়ন্ত্ৰণ বিল’ লোকসভাত গৃহীত হৈছে। ইয়াৰ ফলত ভাৰতীয় ক্ৰিকেটত অতি জনপ্ৰিয় অনলাইন গেমিং প্লেটফৰ্মৰ অন্ত পৰিব ।
ইয়াৰ লক্ষ্য হৈছে ৰিয়েল মানি গেম আৰু বেটিং এপ সম্পূৰ্ণৰূপে নিষিদ্ধ কৰা। যদিও ই-স্প’ৰ্টছ আৰু ছ’চিয়েল গেমৰ অনুমতি দিয়া হৈছে, তথাপিও বাজিৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।
অনলাইন গেমিং বিলৰ লক্ষ্য হৈছে ডিজিটেল গেমিং খণ্ডৰ বাবে আইনী কাঠামো গঢ়ি তোলা আৰু খেলুৱৈসকলক সম্ভাৱ্য ভাবুকিৰ পৰা ৰক্ষা কৰা। ক্ৰীড়া জগতৰ সৈতে জড়িত বিশেষজ্ঞসকলে ইয়াৰ ফলাফলক লৈ সন্দেহ প্ৰকাশ কৰিছে।ভাৰতত ক্ৰিকেট অতি বিখ্যাত, ভাৰতীয় ক্ৰিকেট আৰু ইয়াৰ প্ৰতিষ্ঠানসমূহৰ বাবে পৃষ্ঠপোষকৰ অভাৱ নহ’ব। এই অনলাইন গেমিং বিলৰ কাৰণ হৈছে ব্যক্তিগত ফেণ্টাচি গেমিং প্লেটফৰ্মৰ পৃষ্ঠপোষকতা কৰাৰ অনুমতিৰ অভাৱ।
অনলাইন গেমিং বিলৰ প্ৰভাৱ পৰিব নেকি আই পি এলতো?
ইণ্ডিয়ান প্ৰিমিয়াৰ লীগৰ অফিচিয়েল ফেণ্টাচি স্প’ৰ্টছ পাৰ্টনাৰ হৈছে ‘ড্ৰিম১১’, ই অনলাইন গেমিং প্লেটফৰ্ম ‘মাই ১১ চাৰ্কল’ৰ সৈতে নতুন চুক্তিত স্বাক্ষৰ কৰিছে। প্ৰায় ৪৪ মিলিয়ন ডলাৰ (প্ৰায় ৩৫৮ কোটি টকা)ত ভাৰতীয় ক্ৰিকেট দলৰ খিতাপৰ পৃষ্ঠপোষকতা লৈছে Dream11-এ। একে সময়তে ‘মাই ১১ চাৰ্কলে’ ৫ বছৰৰ বাবে ৬২৮ কোটি টকাত (বছৰ প্ৰায় ১২৫ কোটি টকা) আই পি এলৰ ফেণ্টাচি গেমিং ৰাইট ক্ৰয় কৰিছে। ইয়াৰ উপৰিও ভাৰতৰ শীৰ্ষ ক্ৰিকেটা সকলেও গেমিং প্লেটফৰ্মৰ সৈতে ব্যক্তিগত চুক্তি স্বাক্ষৰ কৰিছে।
৩ বছৰৰ কাৰাদণ্ড হ'ব পাৰে
অনলাইন মানি গেমিংৰ প্ৰস্তাৱ বা সুবিধা প্ৰদান কৰিলে ৩ বছৰৰ কাৰাদণ্ড বা ১ কোটি টকাৰ জৰিমনা বিহা হব পাৰে। ইয়াত ই-স্প’ৰ্টছ আৰু ছ’চিয়েল গেমৰ ওপৰত কোনো নিষেধাজ্ঞা নাই। মুঠতেইয়াত কোনো ধৰণৰ ধনৰ লেনদেন হ’ব নালাগে।
Continue Reading
